Elimiz boıynsha 27-29 naýryz aralyǵynda «kóktemgi» UBT ótkeni belgili. Testileýge qatysqan 78 133 talapkerdiń 61 367 (78,5 paıyz) qazaq tilinde, 16 515 (21,1 paıyz) orys tilinde jáne 251 aǵylshyn tilinde tapsyrdy. Shektik deńgeıden ótkender – 58 317 (74,6 paıyz), shektik deńgeıden óte almaǵandar - 19 816 (25,4 paıyz). «Kóktemgi» UBT-nyń eń joǵary baly – 138. UBT nátıjelerine sáıkes bes pán boıynsha ortasha ball 70,5 baldy qurady. QR Bilim jáne ǵylym mınıstrliginiń málimetteri boıynsha, talapkerler UBT-ny qańtar, naýryz, tamyz aılarynda tapsyrý múmkindigi bar. Joǵary oqý oryndarynyń aqyly bólimine baratyn talapkerge jylyna 4 ret ótkiziletin UBT-dan shekti ball jınaý jetkilikti. Al, memlekettik bilim berý granttaryn taǵaıyndaý boıynsha ótetin konkýrsqa qatysý úshin mindetti túrde maýsym aıynda ótetin Ulttyq biryńǵaı testileýge qatysý qajet.
Testileýge qatysqan 14 múmkindigi shekteýli jandar úshin memlekettik komıssııa sheshimimen jeke aýdıtorııalar jáne arnaıy kómekshiler bólindi.
UBT qatysýshylarynyń 30,3 paıyzy, ıaǵnı 23 691 talapker «Matematıka-Fızıka» beıindik pánder baǵytyn tańdasa, 15 596-i (20,0 paıyzy) «Hımııa-Bıologııany» tańdaǵan. Al, eń az tańdalǵan pánder qatarynda «Hımııa-Fızıka» - 225.
UBT qorytyndysy boıynsha respýblıkalyq apellıasııalyq komıssııaǵa testileýdiń mazmuny boıynsha kelip túsken ótinishterdiń birde-biri qanaǵattandyrylǵan joq.
2019 jylǵy UBT formaty esh ózgerissiz qalady. Oqýǵa túsýshi talapkerler dástúrli túrde 3 mindetti pán (Qazaqstan tarıhy, matematıkalyq saýattylyq, oqý saýattylyǵy) jáne 2 beıindik pán boıynsha testileýden ótedi.
ALMATY
