Jıynǵa «Habar» Agenttigi» AQ Basqarma tóraǵasynyń birinshi orynbasary Rınat Kertaev, «Central Asia’s Got Talent» shoýynyń bas prodıýseri Serik Akıshev, «Zoʻr TV» telearnasynyń prodıýseri Tımýr Alıev, «KTRK» Teleradıotaratý korporasııasynyń prodıýseri Qanatbek Qultaev, «TV Safına» telearnasynyń halyqaralyq baılanys bóliminiń basshysy Nargıs Kasymova qatysty.
«Qazaqstandyq televızııa salasynda alǵash ret barlyq talantty adamdardy bir alańǵa jınamaqpyz. Otandyq arnalarda buǵan deıin án, bı, sport jáne taǵy basqa óner báıgeleri kórsetilgen bolatyn. Al bul baıqaýda kez kelgen daryndy adam óz múmkindigin synap kóredi. «Central Asia’s Got Talent» - Ortalyq Azııa elderine ortaq joba. Baǵdarlamaǵa qazaqstandyqtar ǵana emes, kórshiles О́zbekstan, Qyrǵyzstan, Tájikstan elderiniń azamattary qatysa alady. Bizdiń maqsatymyz – ónerli adamdardy búkil Ortalyq Azııa memleketterine tanytý», dedi Rınat Kertaev.
Atalǵan talanttar shoýy 5 kezeńnen turady. Qatysýshylar irikteý, ashyq tyńdalym, shırek fınal, jartylaı fınal jáne aqtyq fınal degen syndy kezeńderde baq synaıdy. Birinshi kezeńde qatysýshylardyń ótinishteri qabyldanyp, tórt elde irikteý kezeńi ótedi. Jobanyń bas jeńimpazynan bólek, tórt elden jeńimpaz anyqtalyp, aqshalaı syılyqqa ıe bolady. Jobanyń bas jeńimpazyna 10 mln teńge kóleminde júlde taǵaıyndalǵan, odan bólek tórt eldiń jeńimpazyna 3 mln teńgeden syıaqy beriledi. Talanttar shoýy tórt elde «Habar», «Zoʻr TV», «KTRK», «TV Safına» telearnalarynan kórsetiledi.
«Central Asia’s Got Talent» shoýyna kez kelgen ónerli adam qatysa alady. Biz bul rette qatysýshylardyń qyzmeti, jasy, bilimi degen syndy erekshelikterine qaramaımyz. Olar bar bolǵany qazylar alqasyn tańqaldyryp, kórermen kózaıymyna aınalsa bolǵany», dedi О́zbekstan Respýblıkasynyń «Zoʻr TV» telearnasynyń prodıýseri Tımýr Alıev.
Jıyn sońynda Qazaqstan, О́zbekstan, Qyrǵyzstan jáne Tájikstan elderiniń ókilderi ózara áriptestik baılanys ornatý jaıly memorandýmǵa qol qoıdy. Budan soń, olar arnaıy altyn tetikti basyp, jobanyń alǵashqy irikteý kezeńi bastalǵanyn málimdedi. Jobanyń tusaýkeseri qyrkúıek aıynda ótedi. Al Grand fınal 2019 jyldyń jeltoqsan aıynda bolady dep kútilýde.
