Qos tarap kezdesý barysynda osy saladaǵy ózara tıimdi yntymaqtastyqty damytý máselelerin talqylady. Ári, úshinshi megapolıstiń týrızm salasy men qyzmet kórsetý sapasyn damytý úshin joǵary oqý oryndaryndaǵy týrızm mamandyǵyndaǵy stýdentter biliktiligin arttyrýǵa kelisti.
Týrızm ulttyq ekonomıkany damytýdyń jańa draıverine aınalýy tıis ekenin aıtqan qala ákiminiń orynbasary Shymkentte týrızmdi damytý úshin jaqsy klımattyq shart-jaǵdaı men sapaly qyzmet kórsetý múmkindikteri bar ekendigine toqtaldy.
Taraptar bıylǵy jyldyń mamyr aıynda Shymkentte týrızm jáne shaǵyn bıznes, qonaq úıler, meıramhanalar men qyzmet kórsetý qurylymdarynyń ókilderi úshin birlesken semınarlar men master klastar ótkizý týraly ózara kelisimge keldi.
