Osy ýaqyt aralyǵynda tyńdaýshylarǵa aqparat jumysynyń jańa ádisteri, tıimdi ózara árekettesý tehnologııalary, jyldam jáne joǵary sapaly aqparattyq jaýap berý quraldary usynylatyn bolady.

Bul trenıngke jergilikti jáne Shymkent pen Qyzylordadan memlekettik organdardyń basshylary, kvazımemlekettik sektordyń mamandary sondaı-aq baspasóz hatshylary arnaıy shaqyrtylǵan. Olar medıasııa, kommýnıkasııa jáne moderatorlyq taqyryptary boıynsha tájirıbe arttyratyn bolady. Alǵash kúnde tizim boıynsha 125 adam tirkelgen. Jalpy úsh kúnniń ishinde 300 deı qatysýshy keledi dep kútilýde. Semınardyń maqsatyna saı, qatysýshylar óz bilimin keńeıtip, memlekettik baǵdarlamalarmen jumys isteý, syrtqy ortada jáne áleýmettik jelilerde baılanys salasyndaǵy jańa tehnologııalardy meńgerý úshin qajetti daǵdylardy damytady.

Oqý baǵdarlamasy zamanaýı talaptarǵa jaýap beredi jáne strategııalyq moderasııaǵa, syrtqy jáne ishki kommýnıkasııalardy qurýdyń tıimdi quraldaryna arnalǵan. Trenıng qorytyndysy boıynsha qatysýshylar ashyq sóıleý daǵdylaryn damytady, qoǵamdaǵy áleýmettik jáne mádenı qundylyqtardy modeldeý týraly biledi jáne syrtqy ortamen qarym-qatynas jasaýdyń tıimdi joldaryn úırenedi. Iаǵnı bilimniń saltanat qurýy men sananyń ashyqtyǵy barlyq jerde bolýǵa tıis.

«Rýhanı jańǵyrý» qoǵamdyq sanasyn jańǵyrtý baǵdarlamasyn iske asyrýǵa tartylǵan kadrlardy qarqyndy qaıta daıarlaý boıynsha oqý semınarlary 27 naýryzda bastalǵan. Jalpy Trenıngtik semınarlar Taldyqorǵan, Pavlodar, Túrkistan, Qaraǵandy, Petropavl jáne Oral qalalarynda 26 sáýirge deıin jalǵasady.