Alınanyń tańdaýy AQSh-tyń Pensılvanııa shtaty Fıladelfııa qalasyndaǵy Drexel University bilim ordasyna túsip tur. Ol munda Chemical Engineering (hımııalyq ınjeınerııa) mamandyǵy boıynsha bakalavr jáne magıstr dárejesin alyp shyqpaq. Bilimdi boıjetken bul múmkindikke AQSh prezıdentiniń grantyn jáne Drexel bilim grantyn utyp alyp qol jetkizgen.
Alına Moldaǵalıeva budan bólek Máskeý fızıka-tehnıka ınstıtýtynda ótken halyqaralyq hımııa olımpıadasynyń júldegeri, BUU modeli mektep konferensııasynyń Best Speech Certificate (Úzdik sóz) sertıfıkat ıegeri, FLEX lıder almasý baǵdarlamasynyń fınalısi, AQSh-tyń Johns Hopkins University oqý ornynda ótken CTY qatysýshysy, shańǵy jarysynan qala chempıony, sporttyq-baldyq bı boıynsha oblys jeńimpazy atanǵan, san qarly talant ıesi. Áleýmettik ortadaǵy qozǵalystarǵa da belsene aralasatyn Alına Ironman 70.3 Astana jáne Global Conference on Primary Health Care sekildi iri halyqaralyq sharalarǵa volonter bolyp qatysqan.
- Zııatkerlik mekteptiń maǵan bergen múmkindigine zor jaýapkershilikpen qaraımyn. Men ıelengen 11 oqý grantynyń altaýy tolyq grant bolsa, qalǵan ýnıversıtetter oqýǵa jeńildik usyndy. Men tańdaǵan Pensılvanııa shtatyndaǵy Drexel ýnıversıtetiniń bir artyqshylyǵy – 1-kýrstan bastap kompanııalarda jumys istep, tájirıbe jınaqtaýǵa múmkindik beredi. Keleshekte Otanyma kelip, hımııalyq ınjenerııa salasyn damytqym keledi, - deıdi Alına.
Batys Qazaqstan oblysy
