Búgin áıelder saıysynda kimderdiń sharshy alańǵa shyǵatyny málim boldy. Qazaqstan quramasynyń bas bapkeri Vadım Prısıajnıýk myna shákirtterine senim artyp otyr: Alýa Balqybekova (48 kılo), Nazym Qyzaıbaı (51 kılo), Dına Jolaman (54 kılo), Sánııa Sultanqyzy (57 kılo), Rımma Volosenko (60 kılo), Mılana Safronova (64 kılo), Darıǵa Shákimova (69 kılo), Aqerke Baqytjan (75 kılo), Farıza Sholtaı (81 kılo) jáne Lázzat Kúngeıbaeva (+81 kılo).
– Bul jarysta bizder úshin basty qarsylas Qytaı quramasy bolmaq. Sońǵy álem chempıonatynda olardyń tórt altyn alǵany belgili. Basqa da asa iri halyqaralyq dodalarda tabysty óner kórsetýde. Bul joly da Aspanasty eliniń bapkerleri Azııa birinshiligine kil myqtylaryn ákele jatyr. Soltústik Koreıa men Úndistan quramasy da óte kúshti. Sondaı-aq, óz jerinde, óz jankúıerleriniń kóz aldynda ótetin jarysta Taılandtyń qyzdary da baryn salatyny anyq, – deıdi Vadım Prısıajnıýk.
