Eki jaqty kezdesý barysynda oblys basshysy kelgen qonaqqa Aqtóbe óńiriniń ekonomıkasy jaıly aıtyp berdi. Sondaı aq, aýylsharýashylyǵy, sıfrlandyrý júıesi, jasyl ekonomıkalyq aımaqqa aınaldyrýǵa qatysty ınvestısııalyq jobalardy kútetinin aıtty. Jańa jobalarǵa qatysty ózge memleketterden de kóptegen usynystar túsýde. Oblys ákimi ınvestısııalyq usynystardyń barlyǵyna da oryn tabylatynyn, ázirge naqty sheshim qabyldanbaǵanyn atap ótti. Ońdasyn Orazalın Elbasynyń tapsyrmasyna saı, eńbek ónimdiligin arttyrý basty maqsatymyz bolyp otyr jáne osyǵan baılanysty barlyq salada usynystardy, jańa tehnologııalardy qoldaýǵa daıyn ekenin jetkizdi. Sebebi, Aqtóbe jan-jaqty logıstıkalyq damýǵa qolaıly aımaq. Sondyqtan da, Shyǵys pen Batysty baılanystyrýǵa tolyq múmkindiktiń jetetinin aıtyp ótti.
О́z kezeginde, Nıderlandy Korldiginiń Qazaqstan Respýblıkasyndaǵy Tótenshe jáne О́kiletti elshisi Dırk Iаn Kop myrza aldymen oblys basshysyn jańa qyzmetimen quttyqtap, shaqyrtý alǵanyna alǵys bildirdi. Dırk Iаn Kop Nıderlandy men Qazaqstan arasynda túrli salada birlesip jumys jasap kele jatqandyǵyn aıtyp ótti. Nıderlandy tamaq ónimderin óndirýde AQSh memleketinen keıingi ekinshi orynda turǵan el. QR men aýylsharýashlyǵy salasynda jumys jasaýda tyǵyz qarym-qatynas ornaǵanyn da tilge tıek etti.
Oblys ákimi Ońdasyn Seıiluly elshige Aqtóbedegi qus eti ónimderin óndiretin iri jobalardyń baryn jáne olardyń sanyn arttyrý qajettigin jetkizdi. Sondaı aq, oblystaǵy ózekti máseleniń biri jasyl energetıka, jasyl aımaq máselesin damytý kerektigin de jetkizdi. Soǵan oraı zaman talabyna saı, jańa tehnologııalardy paıdalana otyryp, qazirgi júrgizilip jatqan jumysty odan ári damytý qajet dedi. Sonymen qatar, «Sıfrly Qazaqstan» jobasyn júzege asyrý maqsatynda «Smart Sıtı» syndy jobalarǵa qatysty ınvestısııalyq usynystardy kútetinin jetkizdi. Oblys basshysy O.Orazalın Nıderlandy Korldiginiń Qazaqstan Respýblıkasyndaǵy Tótenshe jáne О́kiletti elshisi Dırk Iаn Kopqa «Bul Aqtóbege jasaǵan alǵashqy saparyńyz bizdiń óńirdiń damýyna yqpal etedi dep senemin. Bizdiń maqsatymyz, ınvestısııa kólemin arttyrý, aýyl sharýashylyǵy salasyn damytý, aldaǵy ýaqytta birige tyǵyz jumys jasaımyz» degen senimdemin dedi aımaq basshysy.
