Jylyjaı kesheniniń ashylý sharasyna Aqtóbe oblysynyń ákimi Ońdasyn Orazalın, QR Syrtqy ister mınıstriniń orynbasary Ermek Kósherbaev, Nıderlandy Koroldiginiń Qazaqstandaǵy Tótenshe jáne О́kiletti Elshisi Dırk Iаn Kop, Vengrııanyń Qazaqstandaǵy Tótenshe jáne О́kiletti Elshisi Andrash Baranı qatysty.
«Barsha Aqtóbelikterdi qalamyzdyń 150 jyldyǵy qarsańynda iske qosylǵaly turǵan zamanaýı jylyjaı kesheniniń birinshi kezeńiniń ashylýymen shyn júrekten quttyqtaımyn! Atalǵan keshen Tuńǵysh Prezıdenttiń tapsyrmasyna sáıkes, halyq tabysynyń ósýine jáne ishki naryqty otandyq taýarlarmen tolyqtyrýǵa yqpal etedi dep senemin. Agroónerkásiptik keshenin damytý arqyly aýyl sharýashylyǵy salasynda memlekettik qoldaý kólemi artyp, tyń jobalar iske qosylyp, jańa jumys oryndary qurylyp otyrǵanyn aıtyp ótkim keledi» - dedi O. Orazalın óz quttyqtaýynda.
Al Syrtqy ister mınıstriniń orynbasary Ermek Kósherbaev Nıderlandy Qazaqstannyń ekonomıkasynda ınvestısııa boıynsha kóshbasshy ekenin atap ótti.
«2005 jyldan bastap Qazaqstan ekonomıkasyna Nıderlandy memleketinen 80 mlrd. dollardan joǵary ınvestısııa tartylǵan. Qazirde 1000-nan astam gollandyq kompanııa Qazaqstanda jumys jasaıdy. Búgin taǵy da gollandyq kapıtaldyń qatysýymen taǵy bir úlken jobanyń ashylýyna kýá bolyp otyrmyz. Bul joba Qazaqstan Respýblıkasy men Nıderlandy Koroldiginiń arasyndaǵy saýda-ekonomıkalyq qatynastyń nyǵaıýyna septigin tıgizedi dep senemin»-dedi mınıstr orynbasary.
«Green Capital Kazakhstan» JShS bas dırektory Aleven Dıederık Teodorıktiń aıtýynsha, jańa jylyjaıda qııar, qyzanaq ósiriletin bolady. Joba 2021 jylǵa deıin úsh kezeńde júzege asady. Investısııanyń jalpy quny 20 mlrd teńgeni qurasa, zamanaýı nysannyń kólemi 20 gektardy alyp jatyr.
Birinshi kezeńde, ıaǵnı, 2018 jyly jeltoqsanda 5 gektar alqapqa qyzanaq egilgen. Dál qazir birinshi ónimdi jınaý naýqany júrip jatyr. О́ndiristiń tolyq qýattylyǵy jylyna 14 myń tonna.
Jobany iske asyrýda 2021 jylǵa qaraı 260 jańa jumys oryndary paıda bolady. Sondaı aq, básekelestikti arttyra otyryp, ónim ishki naryqty qamtıtyn bolady. Odan artylǵan ónim eksporttalady.
Memlekettik zor qoldaýdyń arqasynda oblysta sońǵy úsh jylda aýyl sharýashylyǵynyń jalpy ónimi 24 %-ke artyp, 228,2 mlrd. teńgeni qurady. Al, sońǵy úsh jyl ishinde aýyl sharýashylyǵyna 45,5 mlrd. teńgeden astam ınvestısııa tartylǵan.
Aıta keteıik, «Green Capital Kazakhstan» JShS aýylsharýashylyǵyn qoldaýǵa arnalǵan memlekettik «Agrarnaıa kredıtnaıa korporasııa» AQ arqyly iske asatyn «Agroeksport» baǵdarlamasyna qatysady.
