Qandasymyz óziniń komandalyq áriptesi Valerıı Hrıshatyımen birge erlikke baǵalanǵan talaı is tyndyrdy. Atap aıtsaq, 1974-1990 jyldar aralyǵynda bıiktigi jeti myń metrden asatyn KSRO-nyń barlyq taýlaryna shyqty. Kommýnızm, Jeńis, Lenın, Korjenevskoı, Han-Táńiri jáne basqa da shyńdarǵa qazaqtyń ulynyń tabany tıdi.
Halyqaralyq deńgeıdegi jetistikterine keler bolsaq, 1982 jyly alǵashqy keńestik ekspedısııa quramymen birge ol Everestiń Ońtústik-Batys qabyrǵasynyń dál ortasymen Everestke shyqty. 1988 jyly Qazbek Valıev, Iýrıı Moıseev jəne cheh Zoltan Demıan Dhaýlagırıdiń (8167 m, Gımalaı) Ońtústik-Batys qabyrǵasyna jetti. Olardyń bul áreketi sol jyldyń eń keremet kórsetkishi dep tanyldy. 1989 jyly KSRO-nyń birneshe dúrkin chempıondary degen ataqtary bar qazaqstandyq alpınıster Keńes odaǵynyń Kanchendjangýge (8586 m, Gımalaı) baǵyttalǵan ekinshi Gımalaı ekspedısııasyna qatysty. Osylaı tizbekteı bersek, Qazbek Shákimulynyń qol jetkizgen tabstary jeterlik.
– О́tken ǵasyrdyń jetpisinshi jyldarynyń aıaǵy men toqsanynshy jyldarynyń basyn alpınızmiń altyn dəýiri dep atar edim. Quramynda kil myqtylar bar ekspedısııa quramynda alys saparlarǵa shyǵyp, aýqymdy jobalarǵa qatysý baqyty maǵan da buıyrdy. Ol bir keremet kezder edi. Erekshe bir shattanatyn jaıt, qazaqstandyqtar alpınıster kezinde KSRO quramasynyń 35 paıyzyn qurady, – deıdi Qazbek Valıev.
