Quqyq qorǵaý qarymy artady

Seısenbi, 20 naýryz 2012 8:16

Elbasynyń halyqqa arnaǵan Joldaýy aıasynda quqyq qorǵaý júıesin jańǵyrtýdyń keıbir máseleleri

Jyl saıynǵy sekildi Elba­sy­nyń bıylǵy «Áleý­met­tik-ekonomıkalyq jań­ǵyr­tý – Qa­zaqstan damýy­nyń basty baǵy­ty» atty Joldaýy da halyq arasynda jyly qabyldandy.

Seısenbi, 20 naýryz 2012 8:16

Elbasynyń halyqqa arnaǵan Joldaýy aıasynda quqyq qorǵaý júıesin jańǵyrtýdyń keıbir máseleleri

Jyl saıynǵy sekildi Elba­sy­nyń bıylǵy «Áleý­met­tik-ekonomıkalyq jań­ǵyr­tý – Qa­zaqstan damýy­nyń basty baǵy­ty» atty Joldaýy da halyq arasynda jyly qabyldandy.

El Prezıdenti onda shıkizat qorlary men ınfraqury­lym­dary­nyń joǵary shegi sala­syn­da jańa ǵalamat jobalardyń bas­taý alyp, elimizdiń alyp qurylys alańyna aınalatyny týraly jarııalady.

Degenmen, Memleket basshy­sy alda turǵan bul jumys­tar­dyń orasan zor, kúrdeli de qıyn ekendigin atap ótip, barlyq otan­dastardy osynaý ǵalamat mindetterdi oryndaý úshin bir ki­sideı jumyla bilýge shaqyrdy.

Barshaǵa málim, Joldaýdaǵy quny mıllıardtaǵan dollar tu­ra­tyn jobalardy júzege asyrý orasan adam kúshi men óndiris qoryn qajet etedi. Sondyqtan bul baǵytta qyrýar qarjy aǵym­darynyń, júk tasymal­da­ry­nyń, kóshi-qon úderisteriniń jáne t.b. eselep artýy atalǵan jobalarǵa qylmystyq element­terdiń, uıymdasqan, sonyń ishin­de transulttyq sıpattaǵy qyl­mystyq toptardyń balǵa úıme­legen aradaı tartylaty­nyn te­reń sarapta­ma­lyq zertteý júr­gizbeı-aq baı­qaýǵa bolady.

Alaıda, bul ǵalamat jos­par­lar­dy tabysty júzege asyrý tıisti ońtaıly jaǵ­daı jasaýmen ony saqtaý memlekettik or­gan­dardyń ǵana emes, quqyq qor­ǵaý organdarynyń da jumylyp, tıimdi jumys jasaı bilýi arqa­synda ǵana múmkin bolady.

Mine, Prezıdent óziniń Jol­daýynda osy qurylymdardy odan ári jetildirýge jáne sapaly kadr­lyq jańartýdy júzege asy­rýǵa basa nazar aýdardy. Quqyq qorǵaý júıesin odan ári jań­ǵyrtý, tıimdi kadr saıasatyn júr­gizý, quqyq qorǵaý organdary qyzmetkerleriniń biliktiligin, ká­sibıligin arttyrý, olardyń áleý­mettik mártebesi men qarjylaı qamtylýyn jaqsartý «Nur Otan» halyqtyq-demokratııalyq par­tııa­sy­nyń saılaýaldy tuǵyr­na­masynda da oryn alǵan. Osy rette quqyq qorǵaý organdarynyń búkil jeke quramyn qaıta attestattaýdan ótkizý eleýli beles bolary anyq.

Kezekten tys qaıta attestattaý­dan ótýge daıyndyq júrgizý qajettigi qyzmetkerdiń quqyqtyq bilimin arttyrýǵa jáne olardyń memlekettiń quqyq qorǵaý or­gan­dary qyzmetin retteıtin zańna­ma­lyq aktileriniń talaptaryn naq­tyraq túsinýine, kásibılik múm­kin­dikteri men biliktilikterin da­mytýyna qosymsha sebep bolady.

Qaıta attestattaý nátıjesi boı­ynsha sol qurylymdardyń bas­shylaryna óz qyzmetker­leri­niń, sonyń ishinde basshy qu­ramy­nyń kadrlyq áleýeti men biliktiligine baǵa berýge múmkindik týady. Attestattaýdan ótkender­diń qyzmettik mindetterin jan-jaqty jáne shynaıy atqara ala­tyn­dyǵyn anyqtaý nátıjesi olar­dyń arasynan neǵurlym ká­si­bı daıyndalǵandaryn daralap, mańyzdy jedel-qyzmet bólinis­te­rine jiberýge múmkindik beredi. Mundaı qyzmetkerlerdi quqyqqa qarsy túrli sıpattaǵy daıyn­da­lyp jatqan qylmystar týraly aqparattardy ashýǵa, qylmystyq toptardy anyqtaý úshin joǵary deńgeıde kásibı sharalar ótkizý­ge, qylmystyń oryn alýy men sebepterin joıýǵa, ásirese, onyń aýyr saldarynyń aldyn alýǵa baǵyttalǵan sharalardy qamta­ma­syz etý úshin jumyldyrǵan oryndy bolyp tabylady.

Árıne, mundaı jumys birshama aýyrlyqty, sonyń ishinde mo­raldyq jáne orasan kúsh-jiger­di qajet etedi. Sondyqtan da mun­daı baǵyttaǵy jumystarǵa neǵurlym bilikti jáne kásibı daıyndalǵan qyzmetkerlerdi engizý máseleleri mańyzdy da kó­keıkesti bolyp tur. Demek, Elba­sy­nyń quqyq qorǵaý organdary qyzmetkerleriniń qaıta attestasııadan ótýi aıaqtalǵannan keıin aqshalaı qamtylýy jáne áleý­mettik paketin ósirý jóninde usy­nystar ázirleý týraly tap­syr­masyn eskeretin bolsaq, atal­ǵan máselelerdi qaıta zerdeleý múmkindigi týady. Jedel bólim­she­lerdiń kásibı negizin saqtaý úshin qyzmetkerlerdiń aqshalaı qamtylýy men áleýmettik paketin aıtarlyqtaı kóbeıtý arqyly turaqtylyqqa qol jetkizip yn­talandyrýdy arttyrý qajet.

Elbasy óziniń 2008 jylǵy aq­pan aıynda halyqqa arnaǵan «Qazaqstan halqynyń ál-aýqa­tyn arttyrý – memlekettik saıa­sattyń basty maqsaty» atty Jo­ldaýynda da qylmysqa qar­sy maqsat jazalaýshy áreket emes, quqyq buzýshylyqtardy boldyrmaý men olardyń aldyn alý bolýy tıis ekenin aıtqan edi. Sol kezde Prezıdenttiń tapsyrmasy boıynsha «Quqyq buzýshylyqtyń aldyn alý tý­raly» zań jobasy ázirlenip, ol 2010 jyly qabyldandy. Endi jańarǵan quqyq qorǵaý júıesi, quqyqqa qarsy teris áreketter men zań buzýshylyq jasaýdyń alǵysharttary týraly tolyq jáne shynaıy aqparatqa ýaqy­tynda qol jetkizetin jedel izdestirý qyzmetin tıimdi uıym­dastyra alady dep sanaımyn.

Memleket basshysy Jol­daý­ynda birtutas ekono­mı­ka­lyq keńistikte transulttyq uı­ym­dasqan qylmyspen kúresti kúsheıtý úshin Interpol úlgi­si­men Eýrrazpol – Eýrazııa polı­sııasyn qurý jónindegi másele pisip-jetilgeni týraly da atap ótti. Bul el Prezıdentiniń Jol­daýynda atalǵan keń kó­lem­di jobalardy iske asyrý kezeńinde qoǵamdyq qaýipsizdik pen quqyq tártibin qamtamasyz etýge zor áserin tıgizetini sózsiz.

Janat JARASOV, Parlament Májilisiniń depýtaty, «Nur Otan» HDP fraksııasynyń múshesi.