Kýboktik dodanyń jerebesi tartylyp, qazaqstandyq Kırıll Gerasımenkonyń qarsylastary anyqtaldy. Ol A tobynda álemniń tórt dúrkin chempıony ári birinshi raketasy sanalatyn qytaılyq Fan Jendong, komandalyq eseptegi álem chempıonatynyń qola júldegeri Iаng Výdjın (Koreıa) jáne aralas razrıadtaǵy álemniń eki dúrkin qola júldegeri Von Chýn Tınge (Gonkong) qarsy oınaıdy.
«Kırıll qytaılyq Fan Jendongqa qarsy jaqsy oıyn kórsetip júr. Alaıda, ol 7 setke sozylatyn týrnırler. Azııa kýboginde bar bolǵany 5 set, sondyqtan, meıilinshe jınaqy oınaýy tıis. Basqa tennısshilermen buryn-sońdy kezdesken emespiz. Úsh kezdesý de bir kúnde ótedi. Ázirge ýaqyt aıyrmashylyǵyna beıimdelýge tyrysyp jatyrmyz. Kırıll match bastalǵansha babyna keledi dep oılaımyn», - deıdi ulttyq quramanyń keńesshi bapkeri Dmıtrıı Levenko.
