Quqyq qorǵaý tıimdiligi artady
Sársenbi, 28 naýryz 2012 7:55
Elimizdiń Bas prokýratýrasy Astanadaǵy EQYU ortalyǵymen, «Qazaqstan Respýblıkasyndaǵy sot jáne quqyqtyq reformalardy qoldaý» atty Eýropalyq odaq jobasy jáne «Adam quqyqtary úshin hartııasy» qoǵamdyq qorymen birlesip Almaty qalasynda «Qazaqstan Respýblıkasy Qylmystyq is-júrgizý kodeksi jańa modeliniń sheńberindegi kinásin moıyndaý týraly mámile» taqyrybynda halyqaralyq dóńgelek ústel ótkizdi.
Sársenbi, 28 naýryz 2012 7:55
Elimizdiń Bas prokýratýrasy Astanadaǵy EQYU ortalyǵymen, «Qazaqstan Respýblıkasyndaǵy sot jáne quqyqtyq reformalardy qoldaý» atty Eýropalyq odaq jobasy jáne «Adam quqyqtary úshin hartııasy» qoǵamdyq qorymen birlesip Almaty qalasynda «Qazaqstan Respýblıkasy Qylmystyq is-júrgizý kodeksi jańa modeliniń sheńberindegi kinásin moıyndaý týraly mámile» taqyrybynda halyqaralyq dóńgelek ústel ótkizdi.
Onda Memleket basshysynyń qylmystyq isterdi tergeý júıesin ońtaılandyrý, quqyq qorǵaý qyzmetin jetildirý jónindegi tapsyrmalaryn oryndaý aıasynda qylmystyq is júrgizý zańyn jetildirý jáne shetelderdiń aldyńǵy qatarly tájirıbesin qoldaný máseleleri talqylandy. Osyǵan oraı jınalysqa qatysýshylar, sońǵy onjyldyqta Eýropa elderi is júrgizý zańnamasyn jetildirý nátıjesinde sot óndirisin qarapaıym júrgizýge qol jetkizdi, oǵan ádilet organy men aıyptalýshynyń arasynda kelisim jasaý da septigin tıgizdi. Osynyń negizinde, ulttyq quqyqqa damyǵan elderdiń qylmystyq sot óndirisin belgili bir deńgeıde engizý Qazaqstan quqyqtyq júıesiniń talaptaryna jaýap beredi. Osy rette kinásin moıyndaý týraly mámile ınstıtýty qylmystyq prosesti aıtarlyqtaı jeńildetýge jáne jyldamdatýǵa, bıýdjet shyǵynyn azaıtýǵa, tutastaı alǵanda memlekettiń quqyq qorǵaý júıesi qyzmetiniń tıimdiligin arttyrýǵa baǵyttalǵan, dep habarlady Bas prokýratýranyń baspasóz qyzmeti.
