Alashtyń altyn asyqtaı uly bastapqy básekelerde ázirbaıjandyq Orýja Valızada, bolgarııalyq Valentın Alıpıev jáne brazılııalyq Felıpe Kıtadaıdy utyp, jartylaı fınalda ulybrıtanııalyq Eshlı Makkenzıden aılasyn asyrdy. Aqtyq aıqasta Eldos ózbekstandyq Kemran Nurılaevtyń aıaǵyn kókten keltirdi. Sóz oraıy kelgende, Túrkııadaǵy týrnırde qandasymyz barlyq qarsylasyn aıqyn basymdyqpen, ıaǵnı «ıpponmen» utqanyn aıta ketken abzal.
Aıtýly jarysty Otgonseseg Galdabrah kúmis medalmen qorytyndylady. Áıelder saıysynda asa jeńil salmaqta kúresken jerlesimiz Polsha, Ispanııa jáne Serbııa sportshylaryna san soqtyrǵanymen, fınalda Kosovonyń ókiline ese jiberdi.
