Bul baıqaýdyń maqsaty – Tuńǵysh Prezıdenttiń «Uly dalanyń jeti qyry» jáne «Bolashaqqa baǵdar: rýhanı jańǵyrý» maqalalary aıasynda óz týǵan ólkesin, aýylyn, qalasyn erekshe súıetin, tarıhyn biletin Otan patrıottaryn tárbıeleý bolatyn. Tartysty ótken baıqaýǵa joǵary oqý oryndarynyń professorlyq-oqytýshylar quramy, ǵylymı-sarapshylyq jáne oblystyq balalar-jasóspirimder týrızmi jáne ekologııa ortalyǵy ókilderi tórelik etti.
Baıqaý barysynda jas zertteýshiler - 1-2 kýrs stýdentteri ózderiniń antroponımıka, toponımıka baǵytynda júrgizgen ǵylymı-zertteý jobasyn usynyp, óńirlik onomastıkanyń anyqtamalyq ádebıetterimen jumystaný máselesinde biliktiligi men daǵdysyn, sóıleý tájirıbesinde alǵan bilimi men iskerlik sheberligin, týǵan ólke tarıhynyń aqparattyq-taldaý materıaldary júıesin qurý jáne júrgizýdegi jumysyn, qabiletteri men shyǵarmashylyq áleýetin kórsete bildi.
Oblystyq baıqaý qorytyndysynda Bas júlde – Oral aqparattyq tehnologııalar kolledjiniń 1 kýrs stýdenti Ignateva Natalıaǵa buıyrdy. Al J.Dosmuhamedov atyndaǵy joǵary pedagogıkalyq kolledjiniń 1 kýrs stýdenti Zalına Alıeva 1 orynǵa laıyq dep tanyldy.
Eki ekinshi oryndy Báıterek aýdany Rýbejka kolledjiniń 1 kýrs stýdenti Bek Amangeldi men Oral aqparattyq tehnologııalar kolledjiniń 1 kýrs stýdenti Qadyrbek Dúısekenov ózara bólisti.
Báıterek aýdany Zelenov kolledjiniń 1 kýrs stýdenti Elena Lıtvıakova, Batys Qazaqstan Injenerlik-tehnologııalyq kolledjiniń 2 kýrs stýdenti Gúlnáz О́temisova jáne Jalpaqtal agrarlyq jáne salalyq tehnologııalar kolledjiniń 2 kýrs stýdenti Qundyz Sansyzbaeva júldeli úshinshi orynǵa ıe boldy.
Shyńǵyrlaý kolledjiniń 2 kýrs stýdenti Amır Bıkıteev pen Batys Qazaqstan ındýstrıaldy kolledjiniń 1 kýrs stýdenti Arsen Saınov arnaıy júldege ıe boldy. Joǵaryda atalǵan jeńimpazdardyń bárine dıplom men baǵaly syılyq tabys etildi.
Sýretti túsirgen Rafhat Halelov
Batys Qazaqstan oblysy
