Jańaózen oqıǵasyna baılanysty Aqtaýda ótip jatqan sot otyrysynyń jumysyna qatysty óz oıyn belgili zańger, sarapshy, zań ǵylymdarynyń kandıdaty Zınaıda Fedotova bylaı bildirdi:

Juma, 6 sáýir 2012 7:53

Jańaózen qalasynda bolǵan oqıǵaǵa baılanysty ótip jatqan sot prosesi ózge azamattar se­kil­di meni de alańdatatyny anyq. Árı­ne, men bul týraly barlyq aqpa­ratty ártúrli baǵyttaǵy bu­qara­lyq aq­pa­rat quraldarynan alamyn. Son­dyqtan men de az-maz ózim­­niń oı-pikirimdi bildirgim keledi.

Juma, 6 sáýir 2012 7:53

Jańaózen qalasynda bolǵan oqıǵaǵa baılanysty ótip jatqan sot prosesi ózge azamattar se­kil­di meni de alańdatatyny anyq. Árı­ne, men bul týraly barlyq aqpa­ratty ártúrli baǵyttaǵy bu­qara­lyq aq­pa­rat quraldarynan alamyn. Son­dyqtan men de az-maz ózim­­niń oı-pikirimdi bildirgim keledi.

Buqaralyq aqparat quraldary atalǵan sot prosesinde beıne, daýys jazý, sýretke túsirýge tyıym salynǵany týraly kóp aıtady. Keıbir jýrnalıster bul durys emes, zań buzýshylyq dep esep­teıdi. Men zańger retinde osy sot otyrysyn baqylaıtyndyqtan, aq­paratty kún­de osy BAQ-tan jınaımyn. Eger sot otyrysy týraly aqparat­tar­dy blogerler jetki­likti ala almasa, onda kúndelikti dál bulaı­sha óz oılarymen áleý­mettik jel­ilerde, bloktarda bóli­se almas ta edi. Sondaı-aq, Internet saıttar da onlaın reji­min­de kóptegen aqparattar berýde. Buǵan qosa BAQ ókilderi de sot otyrystarynda tıisti aq­pa­rattardy qaǵaz­ǵa qajetinshe túsi­rip, jedel taratýda. Demek, meniń oıymsha, sot tıisti zańdarǵa baılanysty jo­ǵarydaǵy­daı sheshim­di shyǵarýǵa quqy bar dep esep­teımin. Onyń ústine kóptegen shet memleketterde beıne, daýys jazý men sýretke túsi­rý­ge qatań tyıym sa­lynǵan. Alaı­da, qazir bizdiń kún­delikti sot tal­qylaýy týraly tyń­dap otyrǵan mol aqparat­tary­myzǵa qaraǵanda, BAQ úshin sot zalynan qajetti zańǵa saı málimet­terdi alýyna esh­qandaı kedergi joq sekildi.

Sonymen qatar, Aqtaýda ótip jatqan sot otyrysynyń uıym­das­tyrylýy turǵysynan syn aıtyp, oǵan saıası sıpat bergileri keletinder bar. Biraq biz Mań­ǵys­taý oblysynyń halqy tek bir ǵana Jańaózen oqıǵasymen ómir súrip jatpaǵanyn bilemiz ǵoı. Onda óziniń repertýarlary ar­qyly kórermenderdi tartyp otyr­ǵan má­denıet mekemeleri, bilim jáne tár­bıe berip jatqan oqý oryndary barynsha jumystaryn jalǵastyrýda. Endeshe olardyń jumys yrǵaǵyn buza otyryp oblys basshylyǵy tarapynan sot otyrysyn ótkizý úshin bas­qa bir ǵımaratty, ıaǵnı teatr, oqý­shylar saraıyn talap etý orynsyz. Olar da óz jumystaryn toq­tatpaı jal­ǵastyra berýge tıis.

Endi bireýler qazaqshadan orys­shaǵa ilespe aýdarma joq­ty­ǵyna narazy sekildi. Bul týraly da BAQ-ta jıi jazylýda. Meniń oıymsha, bul jerde eshqandaı zań­ buzýshylyq joq. Keri­sin­she, na­ǵyz ádiletti, ózimiz jıi aıtatyn zań ústemdigi oryn alyp otyr. О́ıtkeni, qazaq tili mem­le­kettik til bolyp taby­la­tyn­dy­ǵyn biz bárimiz de jaqsy bilemiz. Al sot otyrysynan aq­pa­rat al­ǵy­sy ke­letin kez kelgen redaksııa memle­ket­tik tildi de, resmı tildi de biletin adam us­taýy tıis. Onyń ústine sot otyrysy qalyń qazaq jaılaǵan Mań­ǵystaý oblysynda ótip jat­qan­dyǵyn umyt­paý kerek, olardyń basym kópshi­ligi qazaq tilinde sóıleıdi. Jáne sot pro­se­sine qa­tysýshylar sot otyrysyn qazaq tilinde ótkizýge kelis­ken ári olarǵa aýdarma ja­saý­ǵa múm­kin­dik berilgen. Al jýr­nalıs­ter úshin mundaı múm­kindik qaras­ty­rylma­ǵan. Sheteldik jýrnalıster qaı memleketten aqparat alýǵa kelse, áýeli sol eldiń tilin bilýge tıis. Demek, ilespe aýdarma týraly shý bárin bile tura ádeıi jasalǵan orynsyz baıbalam ekeni túsinikti.

Taǵy bir másele. Birqatar já­birlenýshiler múliktik talap aryzdarynan bas tartyp otyr. Bul jerde bir esep bar ma, álde atalǵan jábirlenýshilerdiń tanys­tary nemese kórshisiniń týys­qan­dary sottalýshynyń ornynda otyrǵandyqtan keshirimge keldi me deımiz. Menińshe, ekeýi de bar sekildi. Eger olar múliktik azamattyq talap aryzdarynan qa­zir bas tartsa, shyǵyndaryn qaı­tarýdy memleketke júkteı almaıdy. Biz bárin memleketke ıtere salýdy, memleketten kórýdi jáne memleketten alýdy ǵana bi­lemiz. Jábirlenýshiler azamattyq talaptan bas tartqanymen, atal­ǵan prosess endi toqtamaıdy. О́ıtkeni, atalǵan qylmystyq is ashyq, buqaralyq bolyp tabylady jáne aıyptaýshy retinde mem­lekettik aıyptaýshy memlekettiń atynan qatysady. Demek, jábir­lenýshilerge túsindirý jumys­taryn júrgizgen olar úshin tıimdi bolmaq.

Aqparat kózderiniń derekteri negizinde daıyndaldy.