Jıynǵa oblystyq deneshynyqtyrý jáne sport basqarmasynyń basshysy men grek-rım kúresinen QR eńbek sińirgen sportshylardyń bapkeri jáne ózge de sport salasynyń birqatar azamattary qatysty. Kezdesý barysynda aımaq basshysy jas sportshylardy jeńisterimen quttyqtap, alǵys bildirdi.
«Erkin kúres pen grek-rım kúresinen Aqtóbe qalasy aldyńǵy qatarlardan kórinip keledi. Mundaı jeńister eńbek pen qajyrly kúshpen keledi, namysty qoldan bermeı, týǵan jerdiń atyn shyǵarǵandaryń úshin shyn júrekten alǵys bildiremin. Aldaǵy ýaqytta da únemi nazarymda bolasyńdar» - dedi oblys ákimi.
Ońdasyn Orazalın qos sportshyǵa alǵys hat pen qarjylaı sertıfıkattar tabys etti.
Atap óteıik, aqtóbelik sportshylar Mońǵolııanyń astanasy Ýlan-Bator qalasynda 23 jasqa deıingi sportshylar arasynda ótken jarysta Azııa chempıonatynda el namysyn qorǵaǵan bolatyn.
