Dúnıe júzinen kelgen Parlament ókilderiniń jyl saıynǵy kezdesýiniń basty taqyryby - beıbitshilik, qaýipsizdik, zań ústemdigi jáne ornyqty damý. Álemniń 178 elinen Parlament ókilderin biriktiretin Parlamentaralyq Odaq sııaqty halyqaralyq bedeldi alańda osy máselelerdi talqylaý jalpyǵa ortaq adamzattyq qundylyqtardyń tek qana maqsat emes, sonymen birge zamanaýı kóptegen qatelerdiń aldyn alýdyń tıimdi joly bolmaq.
Májilis Spıkeri Nurlan Nyǵmatýlın atap ótkendeı, bizdiń elimiz Táýelsizdiktiń alǵashqy kúnnen bastap beıbitshilikti, kelisimdi, qaýipsizdikti saqtaı otyryp, jalpy adamzattyq qundylyqtarǵa qurmetteý qaraý ıdeıasynyń jaqtaýshysy. Osy rette, Nurlan Nyǵmatýlın:
- Bul elimizdi eń damyǵan álemdegi 30 eldiń qataryna kirý maqsatyn qoıǵan Qazaqstan Respýblıkasynyń Tuńǵysh Prezıdenti Nursultan Nazarbaevtyń eren eńbegi ekeni sózsiz, - dedi.
Odan ári Nurlan Nyǵmatýlın óz sózinde Qazaqstannyń jáne elimizdiń Tuńǵysh Prezıdentiniń turaqty damý maqsattaryna jetýge baǵyttalǵan bastamalarǵa nazar aýdardy. Bul jolda, Májilis Tóraǵasy is-qımylmen úılestirilgen birlesken kúsh-jigerdiń qajettigine toqtaldy.
- Bul máselelerdi Parlamentaralyq Odaq Assambleıasy sııaqty mańyzdy dıalog alańynda talqylaý ulttyq zańnamalardy birizdendirý jáne jaqyndastyrý maqsatynda bizdiń elderimizdiń parlamentteri arasyndaǵy ózara is qımyldy jan-jaqty yntalandyrýǵa, sondaı-aq zańnamalyq praktıkalar men ınnovasııalyq zertteýler deńgeıinde tájirıbe almasýǵa múmkindik beredi - dedi Nurlan Nyǵmatýlın.
Assambleıanyń qorytyndysy aǵymdaǵy jyldyń shilde aıyna josparlanǵan turaqty damý jónindegi joǵary deńgeı BUU saıası forýmyna qosylǵan parlamenttik úles bolyp tabylady. Parlamentaralyq odaq 1889 jyly álemdik parlamentterdiń is-áreketin úılestirý úshin qurylǵan. Qazaqstan Parlamenti 1993 jyly Parlamentaralyq odaqqa múshesi retinde qabyldandy. Qazirgi ýaqytta ol 178 el men 12 aımaqtyq parlamentaralyq uıymdardy biriktiredi.
