Bastapqy básekelerde serbııalyq Pedjý Krshtın (1:6, 6:3, 6:4), amerıkalyq Mıtchell Krıýger (7:6, 6:3) jáne ıspanııalyq Felısıano Lopesten (7:6, 6:3) aılasyn asyrǵan jerlesimiz jartylaı fınalda 27 jastaǵy AQSh ókili, ATR reıtınginde 93 satyda turǵan Tennıs Sandgrenmen saıysqa tústi. Bul kezdesý bizdiń jigittiń paıdasyna sheshildi – 2:6, 6:2, 7:6. Al aqtyq synda ol esimi kópshilikke beımálim ekvadorlyq oıynshy Emılıo Gomespen sheberlik baıqasty. Nebary 55 mınýtqa sozylǵan básekede Býblıktiń mysy basym boldy – 6:3, 6:2.
Sóıtip, Aleksandr Býblık bıylǵy maýsymda halyqaralyq jarystarda óziniń ekinshi jeńisine qol jetkizdi. Osy tabysynyń arqasynda álemdik reıtıngte birden 21 satyǵa joǵarlaǵan otandasymyz qazirgi kezde 99 orynǵa taban tiredi.
