«Bul reıtıngti týrnır jaqyn ári alys shetelderden kelgen qatysýshylarǵa jaqsy tanys. Keshe biz balalar arasynda 640 adam jınap rekord ornattyq, al, búgin eresekter arasynda 250-den astam sportshy jınadyq. Osyndaı kórsetkish bizdi óte qýantady. Bizdiń Qazaqstan quramasy qazir Abý-Dabı qalasynda brazılııalyq djıý-djıtsýdan bolatyn álem chempıonatyna daıyndyq ústinde. Jarys sáýirdiń 21-26 aralyǵynda ótedi, al artynsha olar mamyrdyń 10-14 kúnderi áýesqoılar arasyndaǵy greplıngten (AIGA) ótetin týrnırge Japonııaǵa attanady», - deıdi Qazaqstandyq brazılııalyq djıý-djıtsý jáne grepplıng federasııasynyń halyqaralyq qatynastar vıse-prezıdenti Aqmaral Qanatbaeva.
Onyń aıtýynsha, qazirgi tańda bul jarystyń qatysýshylary aldaǵy ýaqytta ótetin halyqaralyq jarystarǵa daıyndalyp jatyr.
Eki kúnge jalǵasqan aıtýly týrnır kez kelgen qatysýshylar arasynda ABB Arena-da IBJJF halyqaralyq federasııa erejesine sáıkes ótkizildi. Onyń basty maqsaty elimizde djıý-djıtsýdy damytyp, elge tanytý, sport pen salaýatty ómir saltyn nasıhattaý.
Tartysty básekede tabysty óner kórsetken jeńimpazdar men júldegerlerge medaldar men dıplomdar tabystaldy. Jarystyń tolyq nátıjelerin smoothcomp.com saıtynan kórýge bolady.
ALMATY
