Nur-Sultan qalasynda «Jas ulan» respýblıkalyq áskerı mektebi men «Jas sarbaz» óńirlik shtaby arasynda áskerı-patrıottyq tárbıe berý aıasyndaǵy yntymaqtastyq pen ózara is-qımyl týraly memorandýmǵa qol qoıý saltanaty ótti.
«QR Tuńǵysh Prezıdentiniń Jarlyǵymen 2019 jyl Jastar jyly bolyp jarııalanǵan bolatyn. Qorǵanys mınıstrligi memlekettiń jastar saıasatyn iske asyrý men Otannyń adal qorǵaýshylaryna tárbıe berýge belsene atsalysady. Búgingi tańda elimizdiń túkpir-túkpirinde 100-den asa mektepte «Jas sarbaz» synyptary bar. О́ńirlerde 3000-ǵa jýyq áskerı-patrıottyq klýb óz qyzmetin júzege asyrýda. Onda 74 000 bala men jasóspirim bilim alady», – dedi QR QK Bas shtaby bastyǵynyń orynbasary general-maıor Muhamedjan Talasov.
Saltanatty shara sońynda «Jas ulan» respýblıkalyq mektebiniń tárbıelenýshisi Muhametjan Sermaǵambet barlyq jasulandyqtardyń atynan «Jas sarbazdyń» antyn qabyldady. Odan keıin oǵan tósbelgi men «Jas sarbaz» áskerı-patrıottyq qozǵalysy qatysýshysynyń sertıfıkaty tabys etildi.
