Maqsat – azamattardyń turmysy men tynyǵýy úshin ekologııalyq taza jaǵdaı jasaý, olarǵa otbasylarymen birge demalýyna yńǵaıly jaǵdaı jasaý. Jelekjoldar men gúl baqtary tolyǵymen abattandyrylyp, kógaldandyrylmaq. Sondaı-aq, olar jaryqpen qamtamasyz etiledi, sporttyq jáne balalar oıyn alańdary, shaǵyn arhıtektýralyq nysandar ornatylady. Qorshaǵan ortany qorǵaý jáne tabıǵatty paıdalaný basqarmasynyń málimetteri boıynsha, 2019 jyly kelesi saıabaqtar men gúl baqtarynyń qurylysy josparlanǵan: I.Esenberlın kóshesiniń alańy, № 36 úı aýdany. Gúl baǵynyń jalpy aýdany – 4783,9 sharshy metr, qurylys-montaj jumystary 2019 jyldyń mamyrynan shilde aıyna deıin júrgiziledi dep josparlanǵan.
B.Maılın kóshesi № 9 úıdiń janyndaǵy alań. Gúl baǵynyń jalpy aýdany – 7521,7 sharshy metr. Qurylys-montajdaý jumystary 2018 jyldan beri júrgizilýde. Qurylysty aıaqtaý merzimi – 2019 jyldyń shildesi.
Moldaǵulov kóshesindegi gúl baǵy, № 19 jáne № 21 úılerdiń aýdany. Qoǵamdyq gúl baǵynyń aýdany 14113,9 sharshy metrdi quraıdy. Qurylys-montajdaý jumystary 2018 jyldan beri júrgizilýde. Qurylystyń aıaqtalý merzimi – 2019 jyldyń qyrkúıegi.
Saryarqa dańǵylyndaǵy № 23 úıdiń janyndaǵy gúl baǵy. Jalpy aýdany – 5917 sharshy metr. Qurylys-montaj jumystary 2019 jyldyń maýsymynan qyrkúıek aıyna deıin jalǵasady dep josparlanǵan.
Abaı dańǵylyndaǵy jelekjol, Kúltóbe kóshesinen Sembınov kóshesine deıin jáne Egemen Qazaqstan kóshesinen B.Beısekbaev kóshesine deıingi aýmaq. Jelekjoldyń aýdany – 9087 sharshy metr. Qurylys jumystary 2018 jyldan beri júrgizilýde. Jumystar 2019 jyldyń qyrkúıeginde aıaqtalmaq.
Jeńis dańǵylynyń jáne A. Jangeldın kóshesiniń qıylysyndaǵy jelekjol. Qurylys aýdany – 3087,6 sharshy metr. Josparǵa sáıkes qurylys-montaj jumystary 2019 jyldyń maýsymynda bastalyp, qyrkúıek aıynda aıaqtalady.
