Kókeıde júrgen oı edi

Senbi, 14 sáýir 2012 7:41

Teatr kıim ilgishten bas­talsa, ádildik pen ar taza­ly­ǵy, kásibı deńgeı men mo­ral­dyq bitim-bolmystyń bıi­k­­tigi, eń aldymen, osy ádil­­dik pen zańdylyqty qorǵaýǵa tıisti qyzmetkerlerdiń ózi­nen bas­talýǵa tıis. Eger ra­syn­da da, ­olar atqaryp júr­gen qyz­metine saı bolmasa, búgingi bıik talaptar údesi­nen kóri­ne almasa, qoǵam mú­sheleri men jurtshylyq ara­synda ártúrli túsinbestikter týyndaıdy.

Senbi, 14 sáýir 2012 7:41

Teatr kıim ilgishten bas­talsa, ádildik pen ar taza­ly­ǵy, kásibı deńgeı men mo­ral­dyq bitim-bolmystyń bıi­k­­tigi, eń aldymen, osy ádil­­dik pen zańdylyqty qorǵaýǵa tıisti qyzmetkerlerdiń ózi­nen bas­talýǵa tıis. Eger ra­syn­da da, ­olar atqaryp júr­gen qyz­metine saı bolmasa, búgingi bıik talaptar údesi­nen kóri­ne almasa, qoǵam mú­sheleri men jurtshylyq ara­synda ártúrli túsinbestikter týyndaıdy

Sóz joq, úlgili, ala jipti attap ótýge ar-ojdany jiber­meıtin quqyq qorǵaý qyz­met­kerleri jeterlik. Sonymen bir­ge, bes saýsaq birdeı emes degendeı, olardyń arasynda ózderi qyzmet istep júrgen organnyń abyroıy men bede­line daq túsiretinderi de kez­de­sedi. Mine, osyndaı óresi tómen, oıy sholaq qyzmet­ker­ler­di kezekten tys attestasııadan ótkizý týraly Elbasy Jar­­lyǵy kókeı­de júrgen oıymyzdy dóp basqandaı boldy.

Jarlyq joldarymen tany­syp shyqqan kezimizde onyń bu­ǵan deıingi attestattaý ta­lap­tarymen salystyra qara­ǵan­da birneshe artyqshylyq­ta­ry men ózgeshelikteri bar ekenin baıqadyq. Onyń birinshi ar­tyqshylyǵy, jalpyhalyq­tyq sıpat alatyny der edim. О́ıtkeni, attestattaý jónindegi barlyq komıssııalardyń qu­ramyna jurtshylyq pen partııalar, ardagerler uıymdary men BAQ ókilderi kiredi eken. Bul jáıt attestattaýdyń már­tebesin, órisi men sheńberin ulǵaıtyp, jaýapty iste ja­rııa­lylyqtyń keń túrde saltanat qurýyna septigin tıgize alady. Sondaı-aq, attestat­taý­dyń úsh kezeńnen turýynyń ózi de onyń jaýapkershiligi men sal­ma­ǵyn kótere túsedi degen oıdamyn.

Kez kelgen qoǵamdy jegi qurttaı keýlep jeýge beıim tu­ratyn jemqorlyq dertimen kú­restiń máni men mańyzynyń ári sapalyq deńgeıiniń ar­týy­na da respýblıka Prezıdenti Nursultan Nazarbaev shyǵar­ǵan Jarlyq kómektese alady dep sanaımyz. О́ıtke­ni, sengen qoıym sen bolsań degendeı, tamyr-tanystyq pen jeń ushynan jalǵasý kó­ri­nisteri ózge emes, quqyq qor­ǵaý qyz­metkerleri ara­syn­da oryn alatyn bolsa, qoǵam úshin asa qaýipti.

Túıip aıtqanda, otan­shyl­dyq sezimi joǵary, adam­nyń quqyqtary men zańdy múd­delerin qorǵaý isinde qashan­da qaǵıdatty kózqaras tany­ta biletinder ǵana organ aby­roıyn asqaqtata alady. Osy­naý orny bólek attestasııa joǵaryda aıtylǵandaı, la­ıyq­ty qyzmetkerlerdi irik­tep, súzgiden ótkizedi degen senim mol.

Jeńis HAFIZOV, Batys Qazaqstan oblystyq prokýratýrasy janyndaǵy ardagerler uıymynyń tóraǵasy.

ORAL.