Biliksiz kadrlardan arylmaı bolmaıdy

Beısenbi, 19 sáýir 2012 7:53

Elbasymyz N. Nazarbaevtyń «Qazaqstan Respýblıkasy qu­qyq qorǵaý organdarynyń qyz­met­kerlerin kezekten tys attestattaýdan ótkizý týraly» Jar­lyǵy der kezinde qabyldanǵan qujat dep bilemin. Mundaı aý­qymdy shara elimizde alǵash ret ótkizilip otyrǵanyna qara­mas­tan, alǵa qoıǵan mán-maqsaty ja­ǵynan mańyzy óte zor. О́ıt­keni, atalmysh sala boıynsha qordalanyp qalǵan problemalar áli de kóp.

Beısenbi, 19 sáýir 2012 7:53

Elbasymyz N. Nazarbaevtyń «Qazaqstan Respýblıkasy qu­qyq qorǵaý organdarynyń qyz­met­kerlerin kezekten tys attestattaýdan ótkizý týraly» Jar­lyǵy der kezinde qabyldanǵan qujat dep bilemin. Mundaı aý­qymdy shara elimizde alǵash ret ótkizilip otyrǵanyna qara­mas­tan, alǵa qoıǵan mán-maqsaty ja­ǵynan mańyzy óte zor. О́ıt­keni, atalmysh sala boıynsha qordalanyp qalǵan problemalar áli de kóp.

Solardyń biri bilikti kadr, óz isin jetik meń­ger­gen maman jaıyna qatysty. Bul másele tóńireginde oı qozǵasaq, keńestik zamandaǵy quqyq qor­ǵaý organy qyzmetkerleriniń sym­ǵa tartylǵandaı túr-tul­ǵa­syn, ishki jan dúnıesin sóz etpeı bolmaıdy. Jurtshylyq bul sala ókilderin ala jipti attap ótpeıtin ádildigi úshin shyn peıilimen syılaıtyn, olar zańnan qııa attamaıtyn. Qazir zańǵa emes, kimniń qoly uzyn, kim baı, soǵan táýeldi sekildi. Nege? О́ıtkeni, búgingi quqyq qorǵaý qyzmetkeriniń qataryn «zama­ny­na qaraı amalyn tapqan» kez­deısoq adamdar kóbeıtip jibergen. Úkimet bergen ókilettilik pen bılikti jeke basyna sheksiz paıdalanyp, aldyna neshe túrli saýaldarmen, ótinishtermen kelgenderdi urshyqsha úıirýge tó­se­lip alǵan. Árıne, bárin kiná­laý­dan aýlaqpyz. Biraq «bir qaryn maıdy bir qumalaqtyń shiritýi» baıqalady. Bireý aıtypty ǵoı, «qarnymnyń ashqanyna emes, qadirimniń qashqanyna nalı­myn» dep. Sol aıtqandaı, qadi­rin ketirip júrgen – ózderi. О́z­deri dep otyrǵanym – prokýratýra, qarjy polısııasy, keden, ishki ister salasynyń ókilderi. Iy­ǵyna pogon ilgenderdiń óz­de­ri sybaılas top quryp, qyl­mys­ker bolyp shyqsa, tamyr-ta­nystyq jolymen jyly oryn­dardy ıelenip otyrsa, kásiptik biliksizdik tanytyp jatsa, balyqtyń bastan shirigeni osy bolmaı ma? Qazir shıkiókpe, boz­ókpeler quqyq qor­ǵaý orga­ny­nyń jalyna jarma­sýǵa esh ımenbeıdi. Qolynan kele me, bilimi jete me – sharýasy joq. Bar oılary – aldymen ornalasyp alaıyn, sosyn bir jóni bolar. Birde jumys babymen bir kúsh­tik qurylymǵa bara qaldym. «Qal­qam, bastyǵyńa joly­ǵaı­yn dep edim» dep jónimdi aıta bergenim sol edi, joq, tez aı­tyńyz, asy­ǵys­pyn dep túıeden túskendeı solq etkizdi. «Teatr kıim ilgishten bastalady» degendeı, kirmeı ja­typ mynasy etegimnen alsa, sheni úlken, qyzmeti joǵary bastyǵy qandaı eken dep qatty nalydym.

Birde oblystyq prokýra­tý­ra­nyń jyldyq esebin oqyp oty­ryp, jaǵamdy ustadym. Umyt­pasam, M.Jumabaev aýda­nynda bolý kerek, ishki ister organynyń tergeýshisi jaq súıegi, birneshe qabyrǵasy synǵan adamdy ózi qu­lap, jaraqat aldy degen qory­tyn­dy shyǵarypty. Keıin anyq­tal­ǵandaı, ony birneshe adam tepkilep urǵan. Birneshe kýálardyń bolǵanyna qa­ra­mas­tan basqasha uıǵarym shyǵarýy atqaratyn laýazymyna múldem sáıkes­siz­di­gin tanytyp turǵan joq pa? Aı­yrtaý aýdanynda bol­ǵan myna oqı­ǵa talaıy­myz­dyń jaǵamyzdy ustatty. Ishki ister organynyń eki qyzmetkeri araqqa sylqııa toı­yp al­ǵannan keıin tún ortasy aýa áldebir azamattyń úıine kelip, áńgir-taıaq ornatqan. Onyń sońy adam ólimine uryndyrǵan. Meni quqyq qorǵaý organdary qyz­met­kerleriniń jumysqa or­na­laspaı jatyp-aq, sheteldik kó­­lik minetini, záýlim úı sala­ty­ny alańdatpaı qoımaıdy. Demek, jeń ushynan jalǵasqan jem­qor­lyq tyıylmaı otyr degen sóz. Sondyqtan attestattaý kezekti naýqanǵa aınalmas úshin onyń quramyna qoǵamdyq uıym ókil­deri, ardagerler, jastar kóp­tep tartylǵany jón. О́ıt­keni, mun­daı synaq kezinde attestattaýdan ótýshiniń adamgershilik qa­sıetteri de jan-jaqty sarap­taý­dan barynsha ashyq túrde ótip, birjaqtylyqqa úzil­di-kesildi tyıym salynýy tıis.

Árıne, bir attestattaý ar­qy­ly barlyq quqyq qorǵaý organ­da­ryn­daǵy kadr máselesin sheshý qıyn. Desek te, osyndaı súz­gileýdi jıi uı­ymdastyryp tur­sa, sala taza­ryp, óz isine barynsha adal adamdarmen tolyǵa túseri kúmánsiz.

Bolat SAǴYNDYQOV, Soltústik Qazaqstan oblystyq aqsaqaldar alqasynyń tóraǵasy.

Soltústik Qazaqstan oblysy.