- Árbir aýdan men qala ákimdiginiń mádenıet jáne tilderdi damytý bólimderinde onomastıka máselesimen aınalysatyn arnaıy maman qyzmet etedi. Biz sol mamandardy jınap, olardyń boıyna ádistemelik daǵdylardy qalyptastyrý, óz bilimin jetildirý qajettilikteri men kásibı ıdeıalaryn shyńdaý boıynsha ádistemelik kómek kórsetý maqsatynda osy kýrsty uıymdastyrdyq. Kýrstan tolyq ótken mamandar arnaıy sertıfıkat alatyn bolady, - deıdi BQO tilderdi damytý basqarmasynyń onomastıkalyq jumys jáne kórneki aqparattardy baqylaý bóliminiń jetekshi mamany Zámzágúl Ǵabbasova.
Eki kúndik oqytý barysynda tyńdaýshylarǵa oblystyq onomastıkalyq komıssııanyń músheleri, joǵary oqý oryndarynyń ǵalymdary, BQO Ádilet departamentiniń ókili, oblystyq «Qazaq tili» qoǵamy birlestiginiń tóraǵasy jáne basqarma mamandary Qazaqstan Respýblıkasynyń memlekettik baǵdarlamalaryn aımaqta júzege asyrý, qoldanystaǵy zańnamaǵa sáıkes ádistemelik kómek kórsetý, onomastıka salasyndaǵy jumystardy júrgizý algorıtmi, kórneki aqparat jáne jarnama salasyndaǵy mátin saýattylyǵyn saqtaýda keń aýqymdy árekettesý baǵytynda teorııalyq jáne praktıkalyq jumystar júrgizdi. Sonymen qatar, mamandarǵa «Qarym-qatynas jarastyǵy», «Jetistikke qol jetkizý» taqyryptarynda psıhologııalyq trenıngter uıymdastyryldy.
«School of onomastics» jumysy sońynda usynbalar qabyldanyp, qorytyndylandy. Kýrstyń ekinshi kezeńi 2019 jyldyń II jartysynda jalǵaspaq.
