«Búgin qabyldanǵan kezekten tys saılaý ótkizý týraly sheshim ol - óz ýaqytynda jasalǵan óte qajetti jáne óte mańyzdy qadam ekeni sózsiz. Sonymen birge, ol demokratııalyq qaǵıdattarǵa tolyqtaı jaýap bere otyryp, shyn máninde, el múddesin qorǵaýǵa baǵyttalǵan. Sebebi, jalpyhalyqtyq daýys berý nátıjesinde saılanǵan, el tańdaǵan Memleket basshysy halyqtyń senim mandatyna ıe bolady. Al prezıdenttik saılaý kezindegi árbir azamattyń júrek qalaýy - ol Qazaqstanymyzdyń saıası baǵdarynyń turaqtylyǵy men sabaqtastyǵyn qamtamasyz etedi. Osynyń nátıjesinde, biz Elbasymyz Nursultan Ábishuly Nazarbaev negizin qalaǵan Qazaqstannyń uzaq merzimdi damý strategııasyn tabysty júzege asyra otyryp, Tuńǵysh Prezıdentimiz salǵan sara joldy odan ári jalǵastyratyn bolamyz» dedi N.Nyǵmatýlın.
Eske sala keteıik, 2019 jyldyń 9 maýsymynda elimizde kezekten tys prezıdenttik saılaý ótedi. Bul týraly búgin respýblıkalyq telearnalardan Qazaqstan halqyna Úndeý jarııalaǵan Memleket basshysy Qasym-Jomart Toqaev aıtty.
