Jumys tobynyń quramyna eńbek jáne halyqty áleýmettik qorǵaý mınıstri B. Saparbaev, bilim jáne ǵylym mınıstri K. Shámshıdınova, densaýlyq saqtaý vıse-mınıstri L. Aqtaeva, Qurylys jáne turǵyn-kommýnaldyq sharýashylyq isteri komıtetiniń tóraǵasy M. Jaıymbetov kirdi.
Jumys saparynyń bastapqy pýnkti qurylys alańy boldy, ol jerde «Balameken» jobasy boıynsha az qamtylǵan otbasylar úshin 150 turǵyn úı salynady, onyń 100 – bıýdjet qarajaty esebinen, 50 – B. О́temuratova jeke qory qarajatynan salynady.
Budan ári G. Ábiqalyqova B. Saparbaevpen birge 6 balany tárbıelep otyrǵan kópbalaly otbasy Zarına Hamzatovaǵa bardy. Áńgime barysynda ol oblys basshylyǵyna kóp balaly anany jumysqa ornalastyrýda járdemdesýge tapsyrma berdi.
Kelesi shara «Dostyq úıinde» ótti. Osy jerde úkimet delegasııasy kópbalaly analarmen, az qamtylǵan otbasylarmen, eńbek ardagerlerimen, múgedektermen, muǵalimdermen, dárigerlermen, qoǵam ókilderimen kezdesti. О́z sózinde Premer-Mınıstrdiń orynbasary memlekettik saıasattyń basty basymdyǵy halyqtyń ál-aýqaty ekenin basa aıtty. Ol úshin búgingi kúni ómir sapasy men deńgeıin arttyrý boıynsha qajetti sharalar qoldanýda. Sonymen qatar basty mindet halyqty jumyspen qamtý bolyp tabylady, al áleýmettik áljýaz sanattarǵa jan-jaqty memleketpen qoldaý kórsetiledi.
Elbasynyń jańa áleýmettik basttamalaryna qoldaý bildirgen keńeske qatysýshylar túsindirý suraqtarynan basqa, áleýmettik saıasatty jetildirý boıynsha usynystaryn bildirdi.
Budan ári jumys sapary qala jáne aýdan ákimderi, kásiporyndardyń, bıznes qurylymdardyń jáne kásipodaqtardyń basshylary qatysqan jınalyspen jalǵasty. Onda bıznestiń áleýmettik jaýapkershiligin damytý, óńirdiń az qamtylǵan jumyskerleri men turǵyndaryna áleýmettik kómek kórsetý máseleleri qarastyryldy.
Gúlshara Ábdiqalyqova ekonomıkanyń naqty sektorlaryn, bıznes–qaýymdastyqtardy memlekettiń áleýmettik saıasatyn iske asyrýǵa belsene qatysýǵa shaqyrdy.
Kelesi keńestiń taqyryby Qyzylorda oblysynyń 2016-2019 jyldarǵa arnalǵan Bilim berý men ǵylymdy damytýdyń memlekettik baǵdarlamsyn iske asyrý barysy qaraý boldy.
Oblysta 3-6 jastaǵy balalardy balabaqshamen qamtý 100% qurady, sońǵy 5 jylda 69 bilim berý mekemesi salyndy, kolledjderdiń 79%-y dýaldi júıe boıynsha jumys isteıdi.
Vıse-premer bilim berý mınıstrimen óńirdegi bilim berý salasyndaǵy aǵymdaǵy jaǵdaıdy, ózekti máselelerdi jáne ony sheshý joldaryn qarastyrdy. Sonymen qatar pedagog qaýymǵa 1 maýsymnan bastap jalaqyny 30%-ǵa arttyrý boıynsha túsinik berildi, sondaı-aq muǵalimniń qoǵamdaǵy bedeli men róli arttyrýǵa baǵyttalǵan «Muǵalim mártebesi týraly» zań jobasy talqylandy.
Premer-Mınıstrdiń orynbasary jáne eńbek jáne halyqty áleýmettik qorǵaý mınıstri Qyzylorda qalasynyń Jumyspen qamtý ortalyǵynyń jumysyn tekserdi. Jańa formattaǵy ataýly áleýmettik kómekti taǵaıyndaý algorıtmi tolyq qarastyryldy. Jalpy, oblys ortalyǵynda 2018 jyly jumyspen qamtý sharalarymen 3,6 myńnan astam adam qamtyldy, 7,7 myńnan astam adam jumysqa ornalastyryldy, 225 adamǵa kredıtter men granttar berildi, 54 otbasy kóshirildi.
О́ńirdegi jumys sapary sońynda Premer-Mınıstrdiń orynbasary G.N. Ábdiqalyqova azamattardy jeke qabyldady. Atap aıtqanda, oblys basshylyǵyna Amangeldi Nıtalıevtińbala kezinen sozylmaly gemodealız dertine shaldyqqan múgedek uly Asylǵa materıaldyq kómek kórsetý tapsyryldy.
О́z kezeginde, Bilim jáne ǵylym mınıstri K. Shámshıdınova «Shaǵban» balabaqshasynyń, «IT-IMAQORDA» balalar tehnoparkiniń, № 268 orta mekteptiń jáne «Atamenken» otbasylyq úlgidegi balalar aýylynyń ustazdar qaýymymen birqatar kezdesýler ótkizdi.
Densaýlyq saqtaý vıse-mınıstri L. Aqtaeva balalar aýrýhanasynyń, №6 emhananyń dárigerlerimen jáne medbıkelerimen kezdesti. Al Qurylys jáne turǵyn-kommýnaldyq sharshýashylyq isteri komıtetiniń tóraǵasy M. Jaıymbetov Syrdarııa aýdanyna bardy.
Úikmettik delegasııanyń jumys sapary Shymkent qalasynda jáne Túrkistan oblysynda jalǵasatyn bolady.
