Sebebi ár nársege aıqyndyq kerek. Memlekette bılik almasqan kezde ýaqytsha basqarý da tarıhı qajettilikten týǵan. Al endi búkilhalyqtyq zańdy saılaý ótkizýdiń, zańdy prezıdent saılap alýdyń dál osy jerde tarıhı máni bar. Bizdiń Qazaqstan osy jyldar ishinde ekonomıka, saıası, mádenı, órkenıet jaǵynan úlken jetistikterge jetken bolsa, ony ári qaraı damytý, belgilengen mejelerge jetkizý de alda turǵan mindet. Soǵan egemen elimizdiń damýyn ushtastyryp ári qaraı úlken bıikterge qol jetkizýge kózdelgen maqsat-murattar bar. Osy oraıda saılaý úlken ról atqaratynyn, Qazaqstan ishki turaqtylyǵy arqyly kórshilerdiń, búkil álemniń tańdanysyn týǵyzyp otyrǵanyn baıqaımyz. Syrtqy saıasatta da Qazaqstannyń bedeli jyldan-jylǵa ósip keledi. Ozyq eldermen terezesi teń jaǵdaıǵa jettik.
Bul saılaýdyń demokratııalyq, ádil, taza ótýine men ózim kepil bolamyn degen prezıdent sózi kókeıime qondy. Bul – «Altaý ala bolsa, aýyzdaǵy ketedi, tórteý túgel bolsa, tóbedegi keledi» degen qazaqtyń maqalyn keltire otyryp aıtqanda, halyqtyń jaǵdaıyn oılap otyrǵany da kórinip tur. El birligi, yntymaǵy buzylmasyn degen oılarǵa qosylmaıtyn adam joq. Qalamgerler – qashanda halyqtyń, eldiń tutastyǵyn oılaıtyn halyq. Saıası partııalardyń da taıanyshy, tiregi – halyq. Partııalardyń ózi bir jeńnen qol, bir jaǵadan bas shyǵaryp, aýyzbirshilikte bolǵanyn qalaımyz, árıne.
Osy saılaý bizdiń elimizdegi demokratııanyń qandaı deńgeıde ekenin jalpaq álemge tanytady ǵoı degen oıdamyz. Qalaı bolǵanda da bizdiń el, halyq, memleket óziniń órkenıetti joldaǵy el ekenin osy saılaýda bir kórsetetin bolady.
Qazaqstan Jazýshylar odaǵynyń basqarma tóraǵasy
