Elimizdiń áleýmettik-ekonomıkalyq damý qarqynyn saqtaý úshin bılik aýysymy úderisin barynsha tezirek aıaqtaý qajet. Sol kezde ǵana uzaq merzimdi mindetter men kún tártibindegi áleýmettik mańyzdy baǵdarlamalardy, jobalardy júzege asyrý josparynda aıqyndylyq oryn alady. Túrli boljamdar seıiledi.
О́z Úndeýinde Qazaqstan Prezıdenti Qasym-Jomart Toqaev Qazaqstandaǵy ishki saıası mańyzdy úderister qazaqstandyq qoǵam kemeldiginiń aıqyn kórinisi bolatyndaı turaqty ári salıqaly júrgizilip kele jatqanyn ádil atap ótti. Demokratııalyq úderisterge sáıkes, Memleket basshysy 2019 jyldyń 9 maýsymynda merziminen tys prezıdenttik saılaý ótkizý týraly jarııalady.
Aldaǵy saılaýdyń jarııalylyǵyna kepildik berý óte úlken mańyzǵa ıe ekenin aıta ketken jón. Prezıdent Q.Toqaev atap ótkendeı, saılaý taza, ashyq ári ádil ótpek. Osylaısha, elimizdiń Ortalyq saılaý komıssııasy aldyna barynsha jarııalylyqty qamtamasyz etý jáne ózge de qajetti sharalardy tolyqtaı eskerip, saılaýdy joǵary deńgeıde uıymdastyrý mindeti qoıylyp otyr.
Erjan SALTYBAEV,
Álemdik ekonomıka jáne saıasat ınstıtýtynyń dırektory
