Onda bylaı delingen:
– 2019 jyldyń 9 sáýirinde Qazaqstan Respýblıkasynyń Prezıdenti Qasym-Jomart Kemeluly Toqaev osy jyldyń 9 maýsymynda Qazaqstan Respýblıkasynyń kezekten tys prezıdenttik saılaýy ótetinin jarııalady. Buǵan deıin elimizde Konstıtýsııalyq zańǵa sáıkes bılik tranzıti júzege asty. Elbasy – Tuńǵysh Prezıdentimiz N. Nazarbaev elimizdiń táýelsizdigin nyǵaıtyp, shekarasyn bekitip, álemdik arenadaǵy bedelin bıiktetti. Qazaqstannyń bolashaǵyn aıqyndaıtyn irgeli strategııalyq baǵdarlamalardyń bastamashysy boldy. Kezi kelgende salıqaly saıasatkerge tán sheshimmen el tizginin belgili qoǵam qaıratkeri Q.Toqaevqa ustatty.
Qazaqstan Respýblıkasynyń Prezıdenti Qasym-Jomart Kemeluly Toqaevty shyn máninde el ishinde ǵana emes, halyqaralyq saıasat sahnasynda da bedeli bekem, bilikti azamat, el múddesine adal, parasatty da ádiletti saıası qaıratker dep baǵalaımyz. Búgin Prezıdenttiń kezekten tys saılaý týraly sheshim qabyldaýyn da memleketshildik murattan týyndaǵan qadam dep qabyldaımyz. Bılik tranzıtine baılanysty el arasynda ekiudaı pikir qalyptaspaýy úshin tek Konstıtýsııa talaptaryna júginip, halyqtyq saılaý jarııalaý – búgingi Qazaqstan qoǵamy úshin oń sheshim ári el bıliginiń álemdik qoǵamdastyq aldyndaǵy mindetteri turǵysynan da múlt ketpegenin kórsetetin mańyzdy qadam.
Bul táýelsiz elimizdiń erteńi úshin asa mańyzdy saıası sheshim. Qazaqstan Respýblıkasynyń Konstıtýsııasy boıynsha el prezıdenti demokratııalyq prınsıpter negizinde saılanady. Elimizdiń árbir azamatynyń daýys berýi arqyly óziniń úmitkerin tańdaýyna tolyqtaı quqy bar. Saılaý týraly konstıtýsııalyq zań kúshinde. Iаǵnı kezekten tys prezıdenttik saılaý ótkizý úshin zań sheńberindegi tetikter tolyqtaı qarastyrylǵan jáne el Prezıdentiniń mundaı mańyzdy sheshim qabyldaýyna zań turǵysynan qandaı da bir qaıshylyq joq.
Biz táýelsizdiktiń alǵashqy jyldarynan bastap demokratııalyq baǵytty tańdap, birlik pen yntymaǵy jarasqan, saıası dástúri ornyqqan qoǵam ornattyq. Álemdik qoǵamdastyqta Qazaqstandy damýdyń dańǵyl jolyna túsken, yntymaqshyl, mámileger memleket retinde tanıdy. Táýelsizdik jyldarynda qalyptasqan osy turaqty qoǵamdy búgingideı ótpeli kezeńde qandaı da bir saıası qaıshylyqtar men qatelikterge uryndyrmaı, halyqtyń saılaý quqy arqyly tańdaý jasaýyna múmkindik berý eń ádil ári durys sheshim dep qabyldaımyz.
Qazaqstan Respýblıkasynyń árbir azamatyn elimiz úshin osynaý syndarly sátte azamattyq belsendilikterin tanytýǵa, barsha ókimettik jáne qoǵamdyq ınstıtýttardy kezekten tys prezıdenttik saılaýdyń meılinshe ádil ári ashyq ótýine atsalysýǵa shaqyramyz.
