Nege deseńiz, ishki saıası turaqtylyqty saqtap, baǵytymyzdy aıqyndaýda bul ózgeristiń orny erek. Minekı, Memleket basshysynyń prezıdenttik saılaý ótkizý týraly Úndeýi de jarııalandy. Biz bolashaǵymyzdy aıqyndarda ótkenimizge qaraýdy umytpaǵan elmiz. Táýelsizdik bizge qandaı jeńisimen keldi? Álem aldyndaǵy asqaq bedelimiz ben eńseli ekonomıkamyzdy aıtpaǵannyń ózinde, qazaq rýhanııaty úshin eleýli oqıǵalarǵa toly boldy. Onyń ishinde, kúlli adamzat, búkil dúnıe júziniń órkenıetti qaýymy, barsha el nazar aýdararlyqtaı álemdik deńgeıdegi, parasattyń shyrqaý bıigindegi paıymdar ortaǵa salyndy. Naqty ǵylymı derekterge súıenip, jahandyq tarıhtaǵy Uly dala eliniń, qazaq ultynyń, Qazaqstan Respýblıkasynyń orny men róli jan-jaqty aıqyndaldy. Búkil baıtaǵymyzdyń rýhanı jańǵyrý barysynda aldaǵy ýaqytta nelerdi jáne qalaı júzege asyrý kerektiginiń taǵylymdy tujyrymdamasy jasaldy. Túrkistan qalasyn oblys ortalyǵyna aınaldyrý arqyly kúlli túrki jurtynyń týyn tórimizge tikti. Onyń bolashaǵy ál-Farabı men Ahmet Iаsaýı babalarymyz, batyrlar jyry, qyzǵaldaq pen sıvers almasyna deıin aıryqsha mán berilýi qalamgerlerge qanat bitiredi. Osyndaı jarqyn kezeńderdi bastan keshirip otyrǵan elimiz aldaǵy saılaýdan mol úmit, kelisti keleshek kútedi. Ol úshin aýyzbirlik qaǵıdasy aýadaı qajet. Kemeńger elimiz óz prezıdentin saılaýda bul joly da qatelespeıdi dep oılaımyz.
Marhabat BAIǴUT,
Qazaqstannyń eńbek sińirgen qaıratkeri, jazýshy, «Alash» syılyǵynyń laýreaty
