«Kúltegin» mýltfılmniń 2 seansyna 5 myńǵa jýyq bala, onyń ishinde kóp balaly jáne áleýmettik turǵydan az qamtylǵan otbasylardan shyqqan balalar, jetimder úıiniń tárbıelenýshileri, múgedek balalar da qatysty.
Bul qaıyrymdylyq shara otandyq mýltfılmder arqyly jas kórermenniń el tarıhyna degen qyzyǵýshylyǵyn arttyrady. Otandyq anımasııalyq týyndylardy kórsetýdegi maqsat – dańqty batyrlardyń erligin, qazaq halqynyń mádenıetin anımasııa arqyly tanytý, sondaı-aq jas urpaqty otansúıgishtikke baýlý. Uıymdastyrýshylar atap ótkendeı, aldaǵy ýaqytta «Qazaqkonsert» pen «Qazaqfılm» uıymdarynyń birlesken bastamasy óz jalǵasyn taýyp, «Qazaqstan» OKZ kınozalynda mýltfılmder jáne qazaq kıno óneriniń basqa da ozyq týyndylary baldyrǵandarǵa tegin kórsetilmek.
Osy oraıda, «Aıala» qaıyrymdylyq qorynyń Nur-Sultan qalasyndaǵy ókili Saltanat Áskerbekqyzy óziniń lebizin bildirdi:
– «Aıala» qaıyrymdylyq qory Mádenıet jáne sport mınıstrligi uıymdastyratyn kóptegen mádenı is-sharalarǵa qatysady. «Kúltegin» mýltfılminiń qaıyrymdylyq kórsetilimin Nur-Sultan qalasynyń «Balalar úıi» MKM tárbıelenýshileri tamashalady. Buǵan deıin kórsetilgen «Muzbalaq» mýltfılmine arnaıy mektep-ınternattardyń 200-ge jýyq oqýshysy qatysty. Osyndaı bastamalardy biz árdaıym qoldaýǵa daıynbyz.
