Kólik polıseıleri daıyn

Sársenbi, 2 mamyr 2012 7:31

Elbasynyń ústimizdegi jylǵy 27 qańtardaǵy Qazaq­stan halqyna arnaǵan Joldaýynda atap ótilgendeı, respýblıkamyzdyń quqyq qorǵaý organdarynyń qyzmet­ker­leri kezekten tys attestattaýdan ótkizilmek. Olar­dyń qatarynda Kóliktegi ishki ister departamentiniń jeke quramy da bar.

Elbasynyń ústimizdegi jylǵy 27 qańtardaǵy Qazaq­stan halqyna arnaǵan Joldaýynda atap ótilgendeı, respýblıkamyzdyń quqyq qorǵaý organdarynyń qyzmet­ker­leri kezekten tys attestattaýdan ótkizilmek. Olar­dyń qatarynda Kóliktegi ishki ister departamentiniń jeke quramy da bar.

Elbasynyń quqyq qorǵaý or­gandarynyń qyzmetkerlerin attestattaý týraly sheshimi qoldaý­ǵa turarlyq. Bul shara quqyq qorǵaý organdarynyń qataryn sapaly kadrlyq jańartýdan ót­ki­zýge, osy arqyly polısııaǵa kez­deısoq kelgen adamdardy anyq­taýǵa zor múmkindik beredi. Bul óz kezeginde polısııa jumysy sapasynyń arta túsip, qylmys­tarǵa qarsy kúreste belgili bir nátıjelerge qol jetkize ala­tyn­dyǵyna kepildik bolmaq. Elba­synyń quqyq qorǵaý organdaryn kezekten tys attestattaýdan ót­ki­zý tapsyrmasyn júzege asyrý úshin IIM Kóliktegi ishki ister departamenti qyzý daıyndyq sharalaryn júzege asyrýda. Keste boıynsha departament basshyly­ǵy attestattaýdan Ishki ister mı­nıstrliginde, departamenttiń jeke quramy tikeleı ózi qyzmet atqaratyn mekemede ótedi. Al jergilikti jerlerdegi basqarma­lar men derbes bólimderdiń jeke quramyn tekserýdi departament qyzmetkerlerinen quralǵan arnaıy top ókilderi tekseredi.

Kóliktegi ishki ister depa­rta­menti kadr jumysy basqarmasy bastyǵy, polısııa polkovnıgi Ja­nat Súleımenovtiń aıtýynsha, attestattaýdan Kóliktegi ishki ister departamentiniń 3000-ǵa jýyq jeke quramy tolyqtaı ótedi. Attestattaýdan tek ekiqabat áıel­der, bala kútiminde otyrǵandar, aýyr aýrý túrimen naýqastanyp emdelip júrgender ótkizilmeıdi. Sonymen qatar, qyzmet ótkerý jasy kelip qalǵan, zeınetkerlik jasqa jetkenderdiń attestattaý aldynda ótinish jazyp, ishki ister organdary sapynan shyǵýlaryna bolady. Qyzmette qalamyn degen osy sanattaǵy qyzmetkerler attestattaýdan ótkiziledi.

Attestattaý sharasy 10 mamyr kúni bastalady. Osy kúnderi Kóliktegi ishki ister departamenti bastyǵy men onyń orynbasarlary Joǵary attestattaý komıssııasynda attestattaýdan ótkiziledi. Odan keıingi kezekte Kóliktegi ishki ister departamentiniń ortalyq apparaty, olardan soń oblystardaǵy ishki ister jelilik basqarmalary, bólimderi men bólimsheleri kezekten tys attestattaýdan ótkizilmek.

Qazirgi kúni Kóliktegi ishki ister departamentiniń jeke qura­my attestattaýǵa daıyndyq sharalaryn júrgizip jatyr. Taratyp aıtar bolsaq, KIID kadr jumysy basqarmasy tarapynan tómendegi sharalar júzege asyryldy. Barlyq bólimshelerge tanysý úshin Prezıdenttiń 2012 jylǵy 28 sáýirdegi «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Jarlyǵynyń kóshirmesi ji­berildi, qyzmettik jáne jaýyn­gerlik daıarlyq sabaqtarynda jeke quram kezekten tys attestattaý ótkizý erejelerimen tanys­tyryldy, jeke quram qyzmettik atys qarýynan atý jáne dene shynyqtyrý sabaqtarynda úzbeı daıarlyq jasaýda. Departamentte testileýden ótkizý úshin arnaıy kompıýter synyptary jab­dyq­ta­lýda.

Danıel ShAIYNǴAZIN,

IIM Kóliktegi IID baspasóz qyzmetiniń ınspektory.