Qala basshylyǵy «Jylytý maýsymyna daıyndyq jáne ony ótkizý týraly» sheshimine sáıkes, syrttaǵy aýanyń ortasha táýliktik temperatýrasy plıýs 10°S deńgeıinde bes kúntizbelik kún boıy turaqty bolǵan jaǵdaıda Nur-Sultan qalasynyń jergilikti atqarýshy organy (máslıhaty) jylytý maýsymyn aıaqtaý týraly sheshim qabyldaıdy.
Nur-Sultandaǵy jylytý maýsymy ádettegideı júrip jatyr. Jylý jelileriniń temperatýralyq rejımi bekitilgen rejım kartasyna sáıkes uıymdastyrylýda.
Energııa kózderi standartty otynmen qamtamasyz etilgen.
«Jylytý maýsymynyń basynan energııa kózderinde, sondaı-aq jylý, elektr jáne sý berý jelilerinde apattar men 1 dárejeli apat oryn alǵan joq. Áleýmettik, mádenı jáne turmystyq nysandarda jylytý maýsymy úzilissiz júrýde, ǵımarattardaǵy temperatýra rejımi qalypty dıapazonda, jylý energııasyn jetkizý standarttarǵa jáne jylý júktemelerine sáıkes keledi», – dep málimdedi otyn-energetıka kesheni men kommýnaldyq sharýashylyq basqarmasynda.
