Bilimdi, shyǵarmashylyǵy erekshe jáne talanty zor, áleýeti joǵary jastar – elorda kelesheginiń negizi bolyp tabylatyndyqtan, Nur-Sultan ákimdigi jastardy Elbasynyń «Rýhanı jańǵyrý» baǵdarlamasynyń ekinshi jyldyǵyn ashyq dıalog formasynda ótkizip, elorda bolashaǵyn qalaı elestetini týraly pikirlerimen bólisýge shaqyrady.
12 sáýirde sizdiń biregeı ıdeıańyz qalamyzdyń damý kezeńiniń negizi bola alady. Tyń jobalar, elordanyń júıelik máselelerine qatysty jańa kózqaras, jetistikterdi paıdalaný. Osynyń bárin qala qurylysy jáne qalalyq keńistik; ónerkásip jáne jańa tehnologııalar; shyǵarmashylyq ekonomıka jáne óner sııaqty úsh baǵyt boıynsha ótetin paneldik sessııalarda usyný qajet.
Budan keıin qala úshin eń qyzyqty jáne praktıkalyq ıdeıalardyń avtorlary óz oıymen bólisip, ony qala ákimi Baqyt Sultanovpen talqylaıdy. Talqylaý qorytyndysy boıynsha qatysýshylardyń barlyq bekitilgen usynystary 2050 jylǵa deıin Nur-Sultan qalasyn damytý strategııasyna engiziletin bolady.
Is-shara 20-30 jas aralyǵyndaǵy jastardyń túrli salalardaǵy jetistikterge jetken jáne qoǵamnyń damýyna úles qosqysy keletin jastardy biriktiretin Global Shapers Community Astana Hub qoldaýymen ótedi.
Bul kezdesý jastarǵa óz qalamyzdyń bolashaǵyn qalyptastyrýǵa, elordanyń ómirine qatysýyna naqty qadam jasaýǵa múmkindik beredi.
Qatysý úshin myna silteme arqyly ótip, ótinishti toltyrý qajet ekendigin eskertemiz.
