Uıym sheńberindegi yntymaqtastyq
Senbi, 5 mamyr 2012 7:29
Sot reformasyn tereńdetý Qazaqstan Respýblıkasynyń memlekettik saıasatyndaǵy basym mindetter qataryna kiredi. Bul týraly ShYU-ǵa múshe memleketter Joǵarǵy sottary tóraǵalarynyń jetinshi keńesinde Qazaqstan Respýblıkasy Joǵarǵy Sotynyń tóraǵasy Bektas Beknazarov aıtty.
Senbi, 5 mamyr 2012 7:29
Sot reformasyn tereńdetý Qazaqstan Respýblıkasynyń memlekettik saıasatyndaǵy basym mindetter qataryna kiredi. Bul týraly ShYU-ǵa múshe memleketter Joǵarǵy sottary tóraǵalarynyń jetinshi keńesinde Qazaqstan Respýblıkasy Joǵarǵy Sotynyń tóraǵasy Bektas Beknazarov aıtty.
Bıylǵy jyly keńes Qytaı Halyq Respýblıkasynyń astanasy – Beıjiń qalasynda qytaı jaǵynyń tóraǵalyǵymen ótti. Keńestiń jumysyna Qazaqstan Respýblıkasy Joǵarǵy Sotynyń tóraǵasy Bektas Beknazarov, QHR Joǵarǵy Halyqtyq sotynyń tóraǵasy Van Shenszıýn, Qyrǵyzstan Joǵarǵy soty tóraǵasynyń mindetin atqarýshy Ferýza Jamasheva, Reseı Joǵarǵy sotynyń tóraǵasy Vıacheslav Lebedev, Tájikstan Joǵarǵy sotynyń tóraǵasy Nýrsratýllo Abdýlloev, О́zbekstan Joǵarǵy sotynyń tóraǵasy Býrıtosh Mýstafaev, ShYU Bas hatshysynyń orynbasary Parvız Dodov qatysty.
B.Beknazarov basqarǵan Qazaqstan delegasııasynyń quramynda Joǵarǵy Sot janyndaǵy Sottardyń qyzmetin qamtamasyz etý jónindegi departament basshysy Baýyrjan Jumaǵulov, Joǵarǵy Sot sýdıasy Morıak Shegenov jáne Jambyl oblystyq sotynyń tóraǵasy Marǵulan Bekturǵanov boldy.
ShYU-ǵa múshe memleketter Joǵarǵy sottarynyń basshylary dostyq jáne syndarly ahýal jaǵdaıynda kóptegen máselelerdi qarastyryp, ShYU elderinde sot reformasyn tereńdetý, qylmystyq is júrgizýdegi ókildikti bólisý jáne sottar men buqaralyq aqparat quraldary arasyndaǵy ózara qarym-qatynas máselelerin talqylady.
«11 jyl ishinde álemdik jáne óńirlik úderisterde Shanhaı yntymaqtastyq uıymy da óziniń mańyzdy tarıhı rólin nyǵaıta tústi. О́zara senimdi, yntymaqty, birlikti, túrli mádenıetterdiń ózara túsinistigin jáne birlese otyryp órkendeý úrdisine umtylysty pash etken ShYU barlyq elder men halyqtardyń ózara teń quqyqtyq jáne ortaq paıdaly áriptestik alańyna aınaldy. О́ziniń qazirgi strategııalyq mindetteri arqyly ShYU, ásirese, quqyqtyq yntymaqtastyqty barynsha damytyp keledi. Sondyqtan, yntymaqtastyqqa múshe elderdiń sot júıeleri, sóz joq, mańyzdy ról atqaryp otyr», – dedi B.Beknazarov.
Talqylaýǵa arnalǵan taqyryptardyń ózektiligin erekshe aıta kelip, Bektas Beknazarov sot reformasyn tereńdetý Qazaqstan Respýblıkasynyń memlekettik saıasatyndaǵy mańyzdy mindetter qataryna jatatyndyǵyn atap ótti. Qazaqstan Respýblıkasy Prezıdentiniń bastamasymen bastalǵan sot quqyqtyq-reforma bizdiń elimizde 1994 jyldan bastap oıdaǵydaı júrgizilip kele jatqanyn aıtty.
Jambyl oblystyq sotynyń tóraǵasy M.Bekturǵanov óz baıandamasynda qylmystyq is júrgizý úderisiniń zańdy kepili retinde sottyq baqylaý jaıynda aıtty.
Otyrystyń qorytyndylary boıynsha, Shanhaı yntymaqtastyq uıymyna qatysýshy memleketter Joǵarǵy sottarynyń basshylary birlesken málimdeme qabyldady.
«Egemen-aqparat».
