El senimi aqtalsa

Senbi, 5 mamyr 2012 7:36

Quqyq qorǵaý qyzmeti el tynyshtyǵynyń kepili bolýmen qatar, qarapaıym halyqtyń senim artar tiregi de. Sebebi, adamdar arasynda qandaı da bir túsinbeýshilik jaǵdaı týyndaı qalsa, mindetti túrde quqyq qorǵaý qyzmetine júginetini aqıqat. Tipti, aýyldyq jerlerdiń ózinde buzaqylar bir-birimen qaǵysyp qalsa, ýchaskelik polısııaǵa baryp, máse­leni sheshedi. Sondyqtan, árbir quqyq qorǵaý­shy óte saýatty, mádenıetti jáne elmen durys til tabysa alatyn bilikti de bilimdi maman bolýy tıis.

Senbi, 5 mamyr 2012 7:36

Quqyq qorǵaý qyzmeti el tynyshtyǵynyń kepili bolýmen qatar, qarapaıym halyqtyń senim artar tiregi de. Sebebi, adamdar arasynda qandaı da bir túsinbeýshilik jaǵdaı týyndaı qalsa, mindetti túrde quqyq qorǵaý qyzmetine júginetini aqıqat. Tipti, aýyldyq jerlerdiń ózinde buzaqylar bir-birimen qaǵysyp qalsa, ýchaskelik polısııaǵa baryp, máse­leni sheshedi. Sondyqtan, árbir quqyq qorǵaý­shy óte saýatty, mádenıetti jáne elmen durys til tabysa alatyn bilikti de bilimdi maman bolýy tıis. Osyǵan baılanysty el Prezıdenti «Áleýmettik-ekonomıkalyq jańǵyrtý – Qazaqstan damýynyń bas­ty baǵyty» atty Joldaýynda elimizdegi quqyq qorǵaý organ­da­rynyń qyzmetkerlerin kezekten tys attestattaýdan ótkizý týraly aıtqan bolatyn. Elbasynyń bul sózi shynymen-aq qoǵam damýy úshin, quqyq qorǵaý organdary úshin sheshimin tabý kerek másele bolyp kelgen. Muny taldaǵan zııaly qaýym da attestattaýdan ótkizýdi jedeldetip qolǵa alý kerek ekenin de aıtyp júrgen bolatyn. «Halyq surasa, han túıesin soıady» demekshi, Elbasy aıtyp, eli qoldaǵan bul synaq kúshine endi. «Qazaqstan Res­pýblıkasy quqyq qorǵaý organdarynyń qyzmet­ker­lerin kezekten tys attestattaýdan ótkizý týraly» Jarlyqqa qol qoıyldy.

Bul kezekten tys attestattaýdyń maqsaty qan­daı degenge toqtalatyn bolsaq, bul bıznes pen qoǵam­nyń qoldaýyna jaýap beretin qazirgi zamanǵy quqyq qorǵaý júıesin qurýǵa arnalǵan kadrlyq áleýetti qalyptastyrý bolyp tabylady. Sóıtip, quqyq qor­ǵaý salasynyń atyna jamanat keltirip, kúıe jaq­ty­ryp alyp, bedelin túsirip júrgen keıbir qyzmet­kerlerdiń qyzmetine saı emestigin anyqtap, mamandar arasyn tazartý. Sonymen birge, adal jáne kásibı qyzmetkerlerdi irikteýdiń tıimdi tetikterin qurý, quqyq qorǵaý organdarynyń kadr saıasatyn sapaly túrde ózgertý jáne oǵan halyqtyń senimin arttyrý.

Osyǵan baılanysty jarlyqpen Joǵary attes­tattaý komıssııasy týraly ereje, onyń quramy, Kezekten tys attestattaýdy ótkizý qaǵıdasy jáne tıisti is-sharalardyń jospary bekitildi. Quqyq qor­ǵaý organdarynyń qyzmetkerlerine kezekten tys attestattaýdy ótkizý kezinde attestattaýdan ótýshi­niń qyzmetine, onyń sybaılas jemqorlyqqa qarsy zańnamany saqtaýyna baǵa beriletin bolady. Attestattalatyn qyzmetkerdiń adamı bet-beınesin aıqyndaıtyn onyń kásibı jáne jeke bas erekshe­likterin baǵalaýǵa erekshe nazar aýdarylatyndyǵy qatań tapsyryldy. Sondyqtan, bul naǵyz bilim­diler men biliktilerdiń synaǵyna aınalmaq. Kezin­de buqpantaılap ótip ketken qyzmetkerler qaqpa syrtyna shyǵarylady. О́ıtkeni, osy synaqty alý úshin saı tasyndaı jasaqtalǵan Joǵary attes­tattaý komıssııasy, ortalyq jáne óńirlik attestattaý komıssııalary qurylyp otyr.

Attestattaýdyń júıesi de jeńil-jelpi ótem deýshilerge erik bermeıdi. Sebebi, synnan ótken árbir quqyq qorǵaýshy Qazaqstan Respýblıkasynyń zańnamasyn bilýmen qatar jáne logıkalyq oılaý qabiletin kompıýterlik testileýdi, tıisti quqyq qorǵaý organy qyzmetiniń ereksheligin eskere otyryp dene shynyqtyrý, áskerı jáne qyzmettik daıar­­lyq boıynsha belgilengen normatıvterdi tapsyrýdy, sondaı-aq psıhologpen áńgimelesýdi bastan ótkeredi. Onymen qosa, qyzmetkermen Prezıdent janyndaǵy Joǵary attestattaý komıssııasy, ne tıisti attestattaý komıssııasy ótkizetin áńgimelesý bolyp, tıisti sheshim shyǵarýyn qamtıdy.

Sybaılas jemqorlyqpen tabandy kúresýdi te­mir­deı tártipke aınaldyrǵan Elbasy bul komıssııa jumysynyń da aıaǵyn shalys baspaýyn qatań es­kert­ti. Prezıdent janyndaǵy quqyq qorǵaý organ­darynyń qyzmetkerlerin kezekten tys attestattaýdan ótkizý jónindegi joǵary attestattaý komıssııasy týraly erejede mindetter aıqyndaldy.

Máselen, komıssııanyń mindetterinde kezekten tys attestattaýdan quqyq qorǵaý organdary birinshi basshylarynyń birinshi orynbasarlaryn jáne oryn­basarlaryn, quqyq qorǵaý organdary vedom­stvo­lary basshylaryn jáne olardyń orynbasarlaryn, quqyq qorǵaý organdary ortalyq appa­rat­tarynyń departamentteri bastyqtaryn (Bas pro­kýratýranyń jáne Qarjy polısııasynyń quzy­re­tine til saıasaty, aqparattyq jáne qujattamalyq qam­tamasyz etý, memlekettik qupııalardy qorǵaý má­se­leleri kiretin departamentterinen, sondaı-aq tyl­dyq jáne qarjylyq qamtamasyz etý departa­ment­terinen basqa), quqyq qorǵaý organdarynyń aý­maq­tyq nemese olarǵa teńestirilgen mamandan­dyrylǵan bólinisteriniń basshylaryn jáne olar­dyń orynbasarlaryn, quqyq qorǵaý organdarynyń vedom­stvo­lyq joǵary oqý oryndarynyń basshylaryn jáne quqyq qorǵaý organdarynyń ortalyq apparatta­ry­nyń respýblıkalyq attestattaý komıssııalarynyń quramyna kandıdattardy ótkizý tapsyrylǵan.

Mine, osylaısha eń áýeli quqyq qorǵaý salasyn basqaryp otyrǵan basshylardan bastap, búkil qa­tardaǵy qyzmetker de osy súzgiden ótip, óz bilik­ti­likteri men bilimin is júzinde dáleldeıdi. Sonymen qatar, bul synaq quqyq qorǵaý salasyn tazartyp qa­na qoımaı, kásibı sheberlikterin shyńdap, bilim­de­rin kóterip, jaýapkershilikterin arttyrary sózsiz. Bá­rinen buryn elimizde sol synnan súrinbeı ótken myq­ty da kásibı mamandar el erteńi úshin aıanbaı eń­bek etip, saýatty da adal jumys jasaıtynyna ha­lyq senim artyp otyr. Osy senim aqtalsa eken deımiz.

Al búgingi tańda Qyzylorda oblystyq prokýratýrasy organdarynyń 127 jedel qyzmetkerin attes­tattaýdan ótkizýge daıyndyq jumystary júr­gi­zilýde. Onyń ishinde prokýratýra organdarynda jıyrma jyl qyzmet ótili bar 9, sondaı-aq jańa laýazymǵa keminde bir jyl buryn taǵaıyndalǵan 11 qyzmetker bar.

Saparbek NURPEIISOV, Qyzylorda oblysynyń prokýrory,  aǵa ádilet keńesshisi.