Kásibılik tarazyǵa túser sát

Seısenbi, 8 mamyr 2012 7:36

Egemendi elimiz táýelsizdiktiń artta qalǵan 20 jyly ishinde kóptegen oń ózgerister men qaıta qurýlardy bastan ótkerdi. Bulardyń barlyǵy da naryqtyq qatynastarǵa kóshken memleketimizdiń irgetasyn, táýelsizdigimizdiń tuǵyryn bekite tústi. Elbasy Nursultan Nazarbaevtyń qandaı isti qolǵa almasyn aldy-artyn baǵamdap, artyq-kemin sal­maq­tap baryp, ómirge joldama beretini bul joly da baıqaldy. Prezıdent óziniń «Áleýmettik-eko­nomıkalyq jańǵyrtý – Qazaqstan damýynyń basty baǵyty» atty bıylǵy Joldaýynda «Mańyzdy má­sele – quqyq qorǵaý jáne arnaýly organdardy sapa­lyq kadrlyq jańartý» degen bolatyn.

Seısenbi, 8 mamyr 2012 7:36

Egemendi elimiz táýelsizdiktiń artta qalǵan 20 jyly ishinde kóptegen oń ózgerister men qaıta qurýlardy bastan ótkerdi. Bulardyń barlyǵy da naryqtyq qatynastarǵa kóshken memleketimizdiń irgetasyn, táýelsizdigimizdiń tuǵyryn bekite tústi. Elbasy Nursultan Nazarbaevtyń qandaı isti qolǵa almasyn aldy-artyn baǵamdap, artyq-kemin sal­maq­tap baryp, ómirge joldama beretini bul joly da baıqaldy. Prezıdent óziniń «Áleýmettik-eko­nomıkalyq jańǵyrtý – Qazaqstan damýynyń basty baǵyty» atty bıylǵy Joldaýynda «Mańyzdy má­sele – quqyq qorǵaý jáne arnaýly organdardy sapa­lyq kadrlyq jańartý» degen bolatyn. Soǵan oraı «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Memleket basshysynyń Jar­lyǵy bul tapsyrmanyń qoǵamdyq ómirge qansha­lyqty qajettiligin taǵy bir tııanaqtaı tústi.

Shyny kerek, memleketimizdiń qaýipsizdigi, ty­nysh­tyǵy men turaqtylyǵy, adamdardyń beıbit ómiri, quqyqtarynyń buzylmaýy, ózderin erkin se­zinýi quqyq qorǵaý organdarynyń qaltqysyz qyz­me­tine tikeleı táýeldi. Elbasy bul attestattaýdan súrinbeı ótken kásibı biliktiligi joǵary qyzmet­kerlerge materıaldyq jaǵdaı jasaýdyń joldaryn da aıqyndap berdi. Joldaýda «Odan keıin quqyq qorǵaý júıesi qyzmetkerleriniń aqshalaı rızyǵyn arttyrý men qoldaýdyń áleýmettik destesin keńeı­tý, sondaı-aq, olardyń tehnıkalyq jaraqtalýy máseleleri qaralýǵa tıis» dep aıryqsha atap ótti. Iаǵnı, qyzmetkerlerdiń biligine sáıkes yntalandyrý da bolady. Mine, talap pen qoldaýdyń úlgisi osyndaı bolsa kerek. Munyń ózi elimizde júzege asyrylatyn ózgeristerdiń dáıektiligin kórsetedi.

Elimizde alǵash ret ótkizilip otyrǵan bul shara asa mańyzdy da. Kúndelikti ómirimizde baıqalyp júrgenindeı, bul salada da qordalanyp qalǵan má­seleler jetkilikti. Ásirese, bul kadrlardyń óz isin jetik bilýi, kásibı biliktiligi men dene tárbıesine, jaýyngerlik daıarlyǵyna, qyzmettik etıkany saqta­ýyna, adamdarmen til tabysýyna qatysty. Shyny kerek, túbit murt jasóspirimder «jeń ushynan jal­ǵa­syp» quqyq qorǵaý organdaryna ornalasyp jatady. Jáne anaý-mynaý emes, laýazymdy oryntaq­tarǵa otyrady. О́mirdiń synynan ótpegen olardyń aldyna barǵandarǵa dórekilik tanytyp, ózim bilemge salynatyny, qylmysty jasy­rýǵa tyrysatyny, kinásiz adamdarǵa qylmysty kúshtep tańatyny da kezdesip qalyp júr. Tipti halyqtyń arasynda aıtylyp júrgen paraqor MAI qyzmetkeri, urda-jyq polıseıler týraly shyn­dyq­qa bergisiz ázilderdiń astarynda tap osy biliktilik pen kásibıliktiń, tájirı­beniń jetispeýshiligi jatqa­ny sózsiz. Tipti, syrtqy dene turqynan dene tár­bıesi men jaýyngerlik daıyndyqqa mán bermeıtini kórinip turatyn polı­seılerdi kórgende, «qoıannyń túrin kórip, qalja­synan túńil» degen oıǵa qala­syń. Shekten tys semirip ketken polıseı qylmys­kerdi qaıtip quryq­tamaq. Sonda olar dene tárbıe­si men jaýyngerlik daıyndyqqa mán bermeıtini ǵoı. Ondaılardy eshteńe de qyzyqtyrmaıdy dese de bolady. Ja­qynda bir osyndaı qyzmetkerdiń áń­gi­me aýanynan birde-bir qazaq basylymyn oqymaı­tynyn ańǵaryp tań qalǵanym bar. «Túımedeıdi túıedeı» etip, adamdardy áýre-sarsańǵa salýshy­­­­lyq ta bar. Tipti qorǵanyń bolatyn polıseılerdiń ózderi qylmysqa baratynyn estigende «Qasqyrǵa qoı baqtyrǵannyń» kebin kóz aldyńa elestetesiń. Azamattyq ardan, qyz­mettik anttan attap ketetin­der de solar. Qalaı qu­qyq qorǵaý organdaryna jumysqa turdy, solaı jemsaýyn baılyqqa toltyryp, dańǵaradaı úı salyp, sheteldik mashına minip shyǵa keledi. Para almasa, mundaı «maı shelpek» qaıdan keldi degen kúdikti oıǵa berilýge týra keledi. Mysaldy alystan izdep qajeti joq. Oblys ortalyǵynda shyǵatyn «Dıapazon» gazetiniń sońǵy sanynan úsh adamnyń ólimine kináli «qara rıel­tor­lardyń» qylmystan jaltarýyna jaǵdaı týǵyzǵan «Zaýyt» polısııa bóliminiń eki qyzmetkeriniń 5 jáne 4 jylǵa sottalǵanyn oqyǵan­da tóbe shashymyz tik turdy. Al 1682 mekemesiniń burynǵy basshylarynyń da isti bolǵanyn búkil el biledi. Ony az deseńiz, ótken jyl men bıylǵy jyldyń birinshi toqsanynda túrli quqyq qorǵaý organd­ary­nyń 14 qyzmetkeriniń ártúrli jaýapker­shilikke tartylǵany belgili bolyp otyr. Mundaı keleń­siz­dikterdi tere berseń jetip-artylady. Osynyń ózi-aq quqyq qorǵaý salasyndaǵy kúrmeýi qıyn tú­ı­inderdiń tym tereńdep ketkenin baıqatady. «Teatr kıim ilgishten bastalady» degendeı, polıseı­lerdiń qashanda qaımana jurtqa qaı jaǵynan da úlgi-ónege bolyp júrgeni qandaı jarasymdy. Sebebi, olar memlekettik múddeni qorǵaýshylar bolyp tabylady. Al qarapaıym azamattar sol memle­ketti qurý­shy halyq. Árıne, biz bul arada quqyq qorǵaý organdary qyzmetkerleriniń barlyǵyn «bir sypyrt­qymen sypyraıyn» degen oıdan aýlaqpyz. Alaıda, qaı basylymdy ashyp qalsańyz da, qaı telearnany basyp qalsańyz da quqyq qorǵaý organdary qyzmetkerleriniń qyzmetine saı emes qy­lyq­tary kóldeneńdep shyǵa keledi. Bilim men biliktilik tómen jerde qashanda ospadarlyq júretini belgili. Mundaı kemshilikter keden jáne tótenshe jaǵdaı­lar salasy qyzmetinde de kezdesedi. Sondyqtan da bul attestattaýdan halyqtyń kúteri kóp. Men aıtar edim, quqyq qorǵaý qyzmetkerleri udaıy halyqtyń kóz aldynda júretindikten olardyń jaýapkershiligi joǵary, kásibı biliktiligi, adamgershilik qasıeti myqty bolýy qajet, adamı ustanymy bıik bolýy tıis. Kezekten tys attestattaýdyń alǵa qoıǵan mindeti osy bolsa kerek.

Qaı salada da bárin kadr sheshetini dáleldeýdi qajet etpeıdi. Al quqyq qorǵaý organdary qyz­metkerleri memlekettigimizdiń bet-beınesi bolǵa­n­dyq­tan muny basqalardan aıryqsha sezinýi tıis. Shetelden kelgenderdiń de birden kózine túsetin de solar. Olardyń kásibı biliktiligi qyzmetinen, jaý­yngerlik daıyndyǵy júris-turysynan, shıraq­ty­ǵy­nan, al, ádebi adamdarmen qarym-qatynasynan kó­­rinip turǵany óziniń ǵana emes, eliniń de bedelin kóteretinin bilýi kerek. Búgingi quqyq qorǵaý qyz­metkerleriniń boıynda kásibı biliktilikpen birge ózin-ózi ustaı bilý, ózgelermen sanasý, tózim­di­lik qa­sıetteri mol bolǵany durys. Bul baǵytta attes­tattaýdyń qaıtarymdy bolaryna senim mol. Osylaı álsin-álsin olardyń qatarlaryn óz min­detine adal emes qyzmetkerlerden tazartyp alyp otyr­saq, bálkim, qazir dendep ketken sybaılas jemqor­lyqtyń da jolyn kesýge bolar. Biraq, «Nur Otan» HDP oblystyq fılıalyna túsetin shaǵym­dar­dan mundaı keleńsiz jáıtterdiń quqyq qorǵaý salasynda da bolyp turatynyn ańǵarýǵa bolady. «О́ziń dıýa­nasyń, kimge pir bolasyń» degendi halyq os­yn­daıda aıtsa kerek. Árıne, barlyǵyn joqqa shy­ǵarýǵa bolmaıdy. О́z kásibiniń bilgirleri de je­terlik. Son­dyqtan attestattaýdy sabyrly da sal­maq­ty ótkizý kerek. Munda adam taǵdyry, otbasy qamy turǵan­dyqtan «jeti ret piship, bir kesý» qaǵıdaty bas­shylyqqa alynǵany jón. Ol úshin attestattaý komıssııalaryna úlken jaýapkershilik júkteledi.

Amangeldi MEKTEPBAEV, «Nur Otan» HDP Aqtóbe oblystyq fılıaly partııalyq baqylaý komıssııasynyń ınspektory.

AQTО́BE.