2019 jyldyń 9 maýsymynda ótkizilýi josparlanǵan saılaý – egemen elimiz úshin saıası-ekonomıkalyq hám rýhanı damý men órkenıetti elderdiń kósh basyna shyǵý jolynda jasalyp jatqan tarıhı máni bar mańyzdy sheshimderdiń biri. Prezıdent saılaýyn ótkizý ýaqytynyń belgilenýi ultymyz úshin úlken saıası qadam ekeni daýsyz. Bul saılaý arqyly elimizde damýdyń jańa satysy bastalmaq. Sondyqtan da aıtýly tarıhı da mańyzdy oqıǵaǵa Qazaqstannyń árbir azamaty úlken jaýapkershilikpen qaraıdy dep oılaımyn. Osy turǵydan kelgende, P.I.Chaıkovskıı atyndaǵy Almaty mýzykalyq kolledjiniń ujymy Prezıdent Qasym-Jomart Toqaevtyń Úndeýin keńinen talqylaı otyryp, aldaǵy saılaýdyń ádil de ashyq ótetindigine zor senim bildiredi.
Tuńǵysh Prezıdent – Elbasy Nursultan Ábishulynyń qajyrly eńbeginiń arqasynda táýelsiz memleketimiz apyl-tapyl basqan qadamyn nyqtap, eldiktiń bıik tuǵyryna kóterildi. Álem Qazaqstandy beıbitshilik súıgish, qonaqjaı, dostyq peıildi zaıyrly memleket retinde tanydy. Endigi saılaý Elbasymyzdyń osy ýaqyt aralyǵynda qalyptastyryp, qazyǵyn qaǵyp ketken Máńgilik el ıdeıasyn sátimen jalǵap, saıası-ekonomıkalyq, rýhanı-mádenı turǵydan jańa satyǵa kóteretindigine senemiz. Bul – bizdiń jolymyz! Bizdiń tańdaýymyz!
Birjan HASANǴALI,
P.I.Chaıkovskıı atyndaǵy Almaty mýzykalyq kolledjiniń dırektory
