Bıylǵy báseke tamyz aıynda Qazan qalasynda ótedi. Onda Qazaqstan atynan Vıktor Veselov qatysady. 19 jastaǵy stýdent úshin úı turǵyzý esh tańsyq emes. О́ıtkeni, bolashaq qurylysshy óziniń kásibı sheberligin talaı dodalarda dáleldegen. Byltyr Máskeýde ótken halyqaralyq «WorldSkills» chempıonatynda úshinshi oryndy ıelengen. Qarapaıym qurylys materıaldarynan túrli qurylymdar jasap, qazylar alqasynyń nazaryna ilikken. Ol eki tapsyrmany da talapqa saı minsiz oryndap shyqqan.
Vıktordyń jetekshisi ári tálimgeri Evgenıı Smırnov ta osal emes. Kezinde kásibı sheberlik saıystarynyń talaıynda oza shaýyp,top jarǵan. Qazaqstan chempıony, «EuroSkills» júldegeri sekildi ataqtary bar. Endi bilgen-túıgenin oǵan úıretýden jalyqqan emes.
«Vıktor birde ózge qatarlastarymen birge maǵan tájirıbeden ótýge keldi. Á degennen úırensem degen talaby, alǵyrlyǵy, eńbekqorlyǵy unady. Qurǵaq qurylystyń qyr-syryn tez-aq meńgerip aldy. О́zime shákirt tańdaý úshin stýdentter arasynda saıys ótkizip, onyń laıyqty izbasar bolatynyna kózim jetti», deıdi Soltústik Qazaqstan kásiptik-pedagogıkalyq kolledjiniń óndiristik oqytý sheberi E. Smırnov.
Sóz arasynda Vıktordyń «Worldskills» chempıonatynyń respýblıkalyq kezeńinde de birinshi oryn alǵanyn aıta ketken jón. Endi kásibı sheberligin halyqaralyq deńgeıde qorǵaý úshin qyzý daıyndyqqa kirisip ketken.
