Qostanaı shekara otrıadynyń «Qaıraq-avto» bólimshesinde 58 jastaǵy qazaqstandyq ustaldy. Ol Reseı arqyly Germanııaǵa qaraı jol tartqan eken. Qyzmettik ıt bul azamatty esirtki tasymaldaýshy retinde meńzedi. Jeke alyp shyǵyp tekserý barysynda shekarashylar onyń kúrteshesiniń ishki qaltasynan ósimdik tekti keptirilgen jasyl zat oralǵan túıinshek taýyp, onyń «marıhýana» esirtkisi ekendigi anyqtaldy.
Ustalǵan azamat aıǵaq zatymen Qarabalyq aýdandyq polısııa bólimine tapsyryldy.
Petropavl shekara otrıadynyń «Mamlıýtka temirjol» bólimshesinde shekara narıadynyń qyzmettik ıti «Qaraǵandy-Máskeý» baǵytyndaǵy № 83 jolaýshylar poıyzynyń vagondarynyń biriniń ájethanasynan ájethana qaǵazdaryna oralǵan «gashısh» esirtkisin taýyp, Petropavlovsk jelilik polısııa bólimine tapsyrdy.
