Qala ákimi Nurlybek Mashbekuly qaladaǵy kóp qabatty úılerdiń syrtqy turpatyn sáýlettik jáne estetıkalyq talaptarǵa sáıkestendirýge kómektesý úshin jergilikti qurylys kompanııalary basshylyǵyna ótinishpen shyqqan bolatyn.
Qala kásipkerleri bul usynysty qabyl alyp, týǵan ólkesin abattandyrýǵa kirisip ketti. Osy qaıyrymdy azamattardyń kómegimen byltyr da 100-ge jýyq kóp qabatty úı tolyq jóndeýden ótken bolatyn.
Bıylǵy jyly osy jumystardyń jalǵasy retinde «Syr-Ana» monýmentiniń aýmaǵy qaıta abattandyrylady jáne qalanyń eń basty kóshesi - Nursultan Nazarbaev dańǵylynyń boıynan qala turǵyndary men qonaqtarynyń serýendeýine, jaıly demalýyna yńǵaıly jaǵdaı jasalǵan alleıa salynatyn bolady.
Jalpy, Qyzylorda qalasyna uzaq ýaqyttan keıin kelgen qonaqtar qalanyń tez óskenine, sáýletiniń artqanyna jáne tazalyǵyna súıinishin bildiredi.
