Saıasat • 12 Sáýir, 2019

Eýrazııalyq ıntegrasııa bastamasyna – 25 jyl

731 retkórsetildi

Elbasy Nursultan Nazarbaevtyń Eýrazııalyq ıntegrasııa bastamasyna 25 jyl tolýyna oraı halyqaralyq ǵylymı-praktıkalyq konferensııa ótti. Aýqymdy sharany Tuńǵysh Prezıdent – Elbasy Qory jáne Elbasy Kitaphanasy, M.V.Lomonosov atyndaǵy Máskeý memlekettik ýnıversıtetimen birlesip uıymdastyrdy. Aıta ketý kerek, uıymdastyrýshylarǵa Qazaqstan men Reseı prezıdentteriniń ákimshilikteri, eki eldiń Syrtqy ister mınıstrlikteri, elimizdiń Mádenıet jáne sport mınıstrligi men elorda ákimdigi qoldaý kórsetken.

Qos mereıtoıǵa qabat kelgen, ıaǵnı Eýrazııalyq bastamamen birge Eýrazııalyq ekonomıkalyq odaqtyń qurylýynyń bes jyldyǵyna oraılastyrylǵan jıynda Elbasy N.Nazarbaevtyń jáne Reseı Prezıdenti V.Pýtınniń quttyqtaýy jarııalandy. Quttyqtaýlardy Qazaqstan Respýblıkasy Prezıdenti Ákimshiligi Basshysynyń birinshi orynbasary Darhan Káletaev pen Reseı Federasııasy Prezıdenti Basqarmasynyń Shetelder­men aımaqaralyq jáne mádenı baılanystar jónindegi bastyǵy Vladımır Chernov oqyp berdi. 

Quttyqtaý hatta Elbasy: «Men 1994 jyly Máskeý memlekettik ýnıver­sıtetiniń qabyrǵasynda alǵash ret ın­te­grasııalyq jobany qurý ıdeıasyn ja­rııa ettim. Sol sátte mundaı bir­­­­les­­­tik­ti qýatty ekonomıkalyq odaq re­­­tinde tanydym, ol ekonomıkanyń damýy úshin turaqty jaǵdaı jasaýǵa jáne azamattardyń ál-aýqaty úshin jańa múmkindikter jasaýǵa yqpal ete­di. Búgin bul ıdeıa shyndyqqa aınaldy. Bıyl Eýrazııalyq ekonomıkalyq odaq týraly shartqa qol qoıylǵan sát­ten bastap bes jyl jáne Eýrazııalyq ın­­tegrasııa ıdeıasyna 25 jyl», dep atap ótken. Sondaı-aq N.Nazarbaev ja­qyn bolashaqta EAEO-ny álemdik ekonomıkalyq júıede Eýropa men ósip kele jatqan Azııa arasyndaǵy senimdi kópir retinde kóretinin jetkizgen. Onyń aıtýynsha, ekonomıkalyq ıntegrasııa bo­ıynsha kúsh-jiger ártaraptandyrý men ekonomıkany ósýdiń, básekege qa­bilettilikti nyǵaıtýdyń, bıznes-ahýal­dy jaqsartýdyń jáne bizdiń mem­leketterimizdiń ınvestısııalyq tar­tym­dylyǵyn arttyrýdyń negizgi kózine aınalýǵa qabiletti. Quttyqtaý hattaǵy sóziniń sońyn Elbasy: «Konfe­rensııa barysynda ázirlengen usynystar men bastamalar bizdiń memleketter arasyndaǵy dıalogty damytý ıgiligine qyzmet etetinine senimdimin», dep konferensııa qatysýshylaryna tabys tilegen.

Al V.Pýtın quttyqtaý sózinde Eýrazııalyq keńistik elderi ótken ǵa­­­­­­syrdyń shıreginde teń quqyqty mem­leketterdi biriktirý ıdeıasynan tabysty áreket etetin ekonomıkalyq odaqqa jol tartqanyn tilge tıek etken. «Eýrazııalyq ıntegrasııa jobasy óziniń tıimdiligin tolyǵymen dáleldedi. Shekaralyq jáne óńiraralyq yntymaqtastyqty qarqyndy damytý, sondaı-aq túrli salalardaǵy jobalardy birlesip damytý jalǵasyn taýyp keledi. Budan bólek, Eýrazııalyq ekonomıkalyq odaq sheńberindegi ıntegrasııalyq prosester Reseı men Qazaqstan arasyndaǵy qarym-qatynastar men odaqtastyqty nyǵaıtýǵa qosymsha múmkindik beredi», delingen Reseı Prezıdentiniń quttyqtaý hatynda.

Konferensııa úsh sessııadan turdy. «Nursultan Nazarbaevtyń eýrazııalyq bastamasy: ıdeıalar jáne iske asyrý joldary» atty alǵashqy sessııada eki eldiń yntymaqtastyǵyn arttyrý baǵytyndaǵy sálemdemeler men qut­tyqtaýlar joldandy. Joǵaryda atal­ǵan quttyqtaýlardy eki eldiń laýazymdy tulǵalary, ýnıversıtet ókilderi, jaýapty vedomstvo basshy­lary jalǵady. Al «Eýrazııalyq ekonomıkalyq odaq: XXI ǵasyrdyń syn-qaterleri, tıimdilik faktorlary jáne halyqaralyq mártebeni arttyrý» atty paneldik sessııasynda qos memleket sarapshylary baıandama jasady. Aıtalyq, «Astana» halyqaralyq ǵylymı kesheni Eýropalyq jáne amerıkandyq zertteýler ortalyǵynyń basshysy Murat Laýmýlın EAEO aıasynda eýrazııalyq ıntegrasııanyń qaı­shylyqtary men múmkindikteri taqy­rybyn tarqatsa, Reseı Syrtqy ister mı­nıstrligi mem­­lekettik halyqaralyq qat­ynastar ıns­tıtýtynyń prorektory Evgenıı Kojokın Eýrazııalyq bas­tama­nyń ótkeni, búgini men bolashaǵyn baıandady. 

Atalǵan paneldik sessııalardyń aıa­synda qatysýshylar HHI ǵasyrdyń syn-qaterleri aldynda EAEO-nyń tıim­diligi men halyqaralyq mártebesin art­tyrý, halyqaralyq keńistiktiń zamanaýı­ júıesindegi Úlken Eýrazııanyń róli, Eýrazııalyq keńistiktegi ekonomıkalyq ın­tegrasııanyń perspektıvalyq baǵyt­tary syndy máseleler boıynsha pikir almasty. 

Sonymen qatar konferensııa barysynda Reseı Federasııasy Qoǵamdyq palatasy men Qazaqstan Azamattyq alıansy arasyndaǵy yntymaqtastyq týraly memorandýmǵa saltanatty qol qoıý rásimi bolyp ótti.

Aıta keteıik, Eýrazııalyq ekono­­mı­kalyq odaq, Qazaqstan men Re­seı parlamentteri, prezıdentter ákim­shilikteri, syrtqy saıasat vedom­stvo­larynyń basshylary, Qazaqstan asta­nasynda ornalasqan shetel dıplomatııa­lyq mıssııalarynyń basshylary, Eýrazııalyq ekonomıkalyq odaqqa múshe memleketterdiń jetekshi sarapshylary men qoǵam qaıratkerlerin qosqanda sharaǵa 300-ge jýyq adam qatysty. 

Sońǵy jańalyqtar

Uǵyna bilgenge – ult taǵdyry

Saıasat • Búgin, 06:57

Kóńilge medet bolǵan maqala

Rýhanııat • Búgin, 06:56

54 adam jazylyp shyqty

Koronavırýs • Búgin, 06:39

Qıyndyqpen birge jeńildik bar

Qoǵam • Búgin, 06:32

«Birlik joq jerde – tirlik joq»

Qoǵam • Búgin, 06:26

El bolyp eńseremiz

Saıasat • Búgin, 06:20

Jańa aýrýhana 12 kúnde salynady

Elorda • Búgin, 06:17

Daýyl «dertimizdi» anyqtap berdi

Aımaqtar • Búgin, 06:14

Býmerang

Rýhanııat • Búgin, 05:54

Qorǵaýshylarǵa da qoldaý qajet

Aımaqtar • Búgin, 05:46

Toıdyń sońy topyrlaǵan syrqat

Aımaqtar • Búgin, 05:43

Kıeli kitaptar: tyıymdar ne úshin jasalady?

Rýhanııat • Búgin, 05:34

Aqırekte – Arystan bab...

Tanym • Búgin, 05:33

Toqyma ónerkásibine tyń serpin kerek

Ekonomıka • Búgin, 05:22

Medısına ǵylymyn damytýǵa ne kedergi?

Medısına • Búgin, 05:15

Teatrdyń onlaın tartýy

Rýhanııat • Keshe

Úı janýarynan vırýs juǵa ma?

Koronavırýs • Keshe

Uqsas jańalyqtar