Aýyz sýdyń azabyn shegip otyrǵan mundaı aýyldar negizinen Amangeldi, Jangeldın, Qarasý, Qarabalyq, Qostanaı, Meńdiqara, Sarykól, Uzynkól, Fedorov aýdandarynda ornalasqan. Oblys ákiminiń apparat májilisinde Oblystyq energetıka jáne turǵyn úı-kommýnaldyq sharýashylyq basqarmasynyń basshy Almat Isenbaev 2020-2021 jyldary sapaly aýyz sýmen qamtý jumystaryn osyndaı ózen-kólderden jáne ony tasyp iship otyrǵan aýyldardan bastaýdy usyndy. Olardyń qatarynan 37 eldi meken iriktelip alyndy. Ondaǵy taratý jelilerin qospaǵanda óndiristik-smetalyq qujattaryn daıyndaý men qurylys jumystaryna 6 mıllıard teńgedeı qarjy ketedi.
2019 jyly aýyldyq jerlerde aýyz sýmen qamtamasyz etý úshin 22 jobaǵa respýblıkalyq bıýdjetten 7,6 mıllıard teńge qarjy bólindi.
«Aýyz sýdy aldymen iri eldi mekenderge, ıaǵnı aýdan ortalyqtaryna jáne tórtinshi bıýdjetke kóshirilgen, árqaısysynda keminde 2 myń adam turyp jatqan 45 aýyldyq okrýgterge aparý kerek. Árıne, bul bólingen qarjynyń azdyq etetinin Úkimetpen, tıisti oryndarmen sóılesemiz» dedi oblys ákimi Arhımed Muhambetov.
Jyl aıaǵyna deıin oblystaǵy aýyldyq jerlerde 34 myńnan asa turǵyny bar 8 eldi mekendi sapaly aýyz sýmen qamtamasyz etetin 11 qurylǵy iske qosylýy tıis.
