Quqyqtyq memleket órkendeýiniń alǵysharty

Beısenbi, 17 mamyr 2012 8:19

Elimiz egemendigin alǵan 20 jyldyń ishinde dúnıe júzine demokratııalyq, áleýmettik, qu­qyqtyq memleket retinde ta­nylǵany, sonymen birge, Qa­zaq­stan Biriken Ulttar Uıy­­my­nan bastap, kóptegen be­deldi ha­lyqaralyq odaq­­tar­dyń teń mú­shesi bolyp tabylatyny bar­shaǵa aıan. Qazaqstan barlyq memlekettermen tere­zesi teń el bola otyryp, kóp­tegen jurt tanyǵan halyq­aralyq sharttardy ratıfıkasııalady.

Beısenbi, 17 mamyr 2012 8:19

Elimiz egemendigin alǵan 20 jyldyń ishinde dúnıe júzine demokratııalyq, áleýmettik, qu­qyqtyq memleket retinde ta­nylǵany, sonymen birge, Qa­zaq­stan Biriken Ulttar Uıy­­my­nan bastap, kóptegen be­deldi ha­lyqaralyq odaq­­tar­dyń teń mú­shesi bolyp tabylatyny bar­shaǵa aıan. Qazaqstan barlyq memlekettermen tere­zesi teń el bola otyryp, kóp­tegen jurt tanyǵan halyq­aralyq sharttardy ratıfıkasııalady. Osyndaı ıgi qadam­dardy júzege asyrýda halyq­aralyq quqyq normalaryn, olardyń jalpy jurt mo­ıyn­daǵan qaǵıdalaryn ádiletti túrde júzege asyrýda Parla­menttiń, quqyq qorǵaý organ­darynyń, sot júıesiniń qyz­meti erekshe. О́ıtkeni, Qazaq­stan Kons­tıtýsııalyq qury­lymy jóninen quqyqtyq memleket. Quqyqtyq memlekettiń basty belgisi adam, qoǵam, memleket múddesi úshin iste­letin ıgilikti isterdiń barlyǵy derlik quqyq, zań normalarymen retteletin­diginde. Bizdegi júzege asyrylatyn, qabylda­natyn, qoldany­latyn quqyq­tyq aktiler ádi­lettilik qaǵı­dasyna, memleket pen jeke adamnyń múddesine qyzmet atqarýy tıis. Mundaı kúrdeli mindetterdi júzege asyrýda zań­gerler qaýymdastyǵynyń mańyzy erekshe ekendigin ómir tájirıbesi kórsetip otyr. Kóptegen órkenıetti elderde zańgerlerdi biriktiretin odaq, uıym nemese assosıasııalar bar. Mundaı uıymdar óz mem­leketiniń quqyqtyq júıesin órkendetýge tıisinshe úlesterin qosýda. Qazaqstan Respýblıkasy alǵash táýelsizdik alǵan jyldary Respýblıkalyq Zań­gerler odaǵy boldy, egemen­diktiń órkendeýine bul odaq edáýir qyzmet atqardy. Biraq keıinnen odaqtyń qyzmeti bel­gisiz sebeptermen toqtap qaldy. Buryn Zańgerler odaǵy birik­tirip, bir baǵytta qyzmet is­teıtin bólimsheler jeke-jeke uıymǵa bólindi. Mysaly: advokattar odaǵy, notarıat palatasy jáne t.b. Sonyń nátı­jesinde Zańgerler odaǵynyń jumysy múldem kózge kórinbeı qaldy.

Qazirgi dúnıejúzilik damý­dyń alǵysharty – zańgerlik qyzmetti jetildirý ekeni bar­shaǵa aıan. Kez kelgen mem­leket­aralyq qarym-qatynas quqyq­tyq halyqaralyq zańdylyq shart­tarǵa negizdelgen. Qazaq­stan memleketi quqyqtyq memleket retinde Zańgerler oda­ǵynyń jumysyn qaıta jandandyryp, elimizdiń órken­de­ýine, órkenıetti, ádiletti, qu­qyqtyq normalardyń memleket, qoǵam, adam múddesi úshin qyzmet etýin júzege asyrý kerek.

Zańgerler odaǵynyń qury­lýy – osy salada qyzmet etetin ǵalymdardy, mamandardy eli­mizdiń quqyqtyq tárbıesin, sapasyn órkendetýge, sondaı-aq zań shyǵarýshy organ – parlament jumysyna da belsendi qatysyp, sapaly zańdar jobasyn ázirleýge atsalysýǵa, elimiz boıynsha bilimdi zańger mamandardy daıarlaýǵa óz úlesin qosar edi.

Aryqbaı AǴYBAEV

zań ǵylymdarynyń doktory, Qazaqstannyń eńbek sińirgen qaıratkeri.