Munan soń pikirtalasqa qatysýshylar sóz aldy. Oblystyq Ishki saıasat basqarmasy jastar isi jónindegi bóliminiń jetekshisi Damır Irgebaev Elbasy Nursultan Nazarbaevtyń dana saıasatyna joǵary baǵa berdi. Ásirese bıylǵy jyldyń Jastar jyly atalýynyń mańyzyna toqtaldy. Osy oraıda Jastar jyly ishinde oblys ortalyǵynda stýdent jastarǵa arnalǵan birneshe jataqhana salý kózdelýde. Jataqhanalar Sh.Ýálıhanov atyndaǵy Kókshetaý memlekettik ýnıversıtetinde, A.Myrzahmetov atyndaǵy ýnıversıtette, sondaı-aq tórt kolledjde salynbaq.
Baǵdarlama aıasynda Kókshetaý qalasynda 424 jas otbasy úshin 6 kóp qabatty turǵyn úı boı kóteretin bolady. Bul baǵdarlamanyń artyqshylyǵy, páter qunynyń tómendigi. Jastarǵa jasalyp jatqan jaqsylyq az emes, oblysta «7-20-25» turǵyn úı baǵdarlamasy belsendi jumys isteýde. Qazirdiń ózinde 500-den astam adam baspana máselesin sheshti. Bul Tuńǵysh Prezıdentimizdiń bes áleýmettik bastamasynyń sharapaty. Jastardy qoldaý jáne sapaly bilim alýǵa tartý úshin ár jyl saıyn oblys ákimi ataýly stıpendııa bólýde. 2018 jyly osyndaı stıpendıattar sany 275 adamǵa jetip, 106,0 mıllıon teńge stıpendııa tólendi. Grant ıegerleriniń sany 250-ge jetti. Jastar oqý ornyn aıaqtaǵannan keıin óz mamandyqtary boıynsha jumys isteýge mol múmkindik týdyrylyp otyr. «Dıplommen – aýylǵa!» baǵdarlamasy da jastardyń óz mamandyqtary boıynsha laıyqty jumys ornyn tabýyna tamasha yqpal etýde. Bıyl oblysymyzda «Zhas Projekt» jastar korpýsyn damytý jobasy bastalyp otyr. Oblys boıynsha úsh mıllıard teńgeden astam qarajatty quraıtyn 850-ge jýyq nesıe berildi. Bul qarajattyń basym bóligin 30 jasqa tolmaǵan jas kásipkerler aldy. Osynyń barlyǵy jastarǵa jasalǵan kól-kósir jaqsylyq.
Al aldymyzdaǵy Prezıdent saılaýynan soń Elbasy irgesin qalap bergen jasampaz ister jalǵasyn tappaq. Bolashaq el taǵdyryn sheshetin tulǵa jastar úshin barynsha jaǵymdy jańalyqtardy, jaqsylyqqa toly bastamalardy jalǵastyrady dep senemiz degen pikirler de aıtyldy. Jumyspen qamtýdy jáne áleýmettik máselelerdi úılestirý basqarmasy basshysynyń orynbasary Sholpan Rahmatýlına jastardy eńbekpen qamtý máseleleri qanshalyqty júzege asyp jatqanyna toqtaldy. Bıylǵy Jastar jyly óńirde Nátıjeli jumyspen qamtýdy jáne jappaı kásipkerlikti damytý baǵdarlamasy júzege asyrylýda. Sońǵy jyldary jastardyń jumyssyzdyǵy azaıyp keledi. Jumysqa ornalasqandardyń 10 paıyzy jastar.
Pikirtalas sońynda jastar biraýyzdan el Prezıdentiniń Úndeýin zor túsinistikpen qabyldap, qoldaıtyndyqtaryn jetkizdi. Oblys jastaryn saılaýǵa qatysýǵa shaqyrdy.
