«Jalpyǵa birdeı densaýlyq» uranymen Qoǵamdyq densaýlyq saqtaý ulttyq ortalyǵynyń bastamasy boıynsha Qazaqstandaǵy Dúnıejúzilik densaýlyq saqtaý uıymynyń turaqty ókili Oleg Chestnov, belgili ánshi, «Qazaqstan daýysy» baıqaýynyń jeńimpazy Shaharızat Seıdahmet, mektep oqýshylary jáne muǵalimderdiń qatysýymen jappaı jattyǵý ótti. Atalǵan mektepte balalar men jasóspirimderdiń densaýlyǵyn nyǵaıtýǵa, densaýlyqqa degen saýatty kózqaras qalyptastyrýǵa, ony qoldaý tetikterin qurý úshin jaǵdaı jasaýǵa baǵyttalǵan «Densaýlyqty nyǵaıtýǵa yqpaldasatyn mektepter» jobasy iske asyrylyp jatqanyn aıta ketken jón. Jappaı jattyǵýlar ótkizýdiń maqsaty – balalar men jasóspirimderdi densaýlyǵyna uqypty qaraýǵa tárbıeleý, salamatty ómir salty +mashyqtaryn qalyptastyrý. Balalar semizdigi men basqa da juqpaly emes aýrýlardyń deńgeıi artyp kele jatqan jaǵdaıda densaýlyq mádenıetin damytýǵa yqpal etetin osyndaı bastamalar densaýlyqty saqtaý jáne nyǵaıtýdyń mańyzyn sózben ǵana emes, is júzinde de kórsetti. Dene belsendiligi, qımyl-qozǵalys zeıindilik pen oqý qabiletin jaqsartady, kúızelisten aryltady. Ári durys salmaqty ustap turý úshin de óte mańyzdy ról atqarady», deıdi uıymdastyrýshylar.
Osy kúni jappaı jattyǵý №83 mektep-gımnazııasynyń 1300-den astam oqýshylary men muǵalimderi, sondaı-aq BUU Balalar qorynyń Qazaqstandaǵy ókiliniń orynbasary Veronıka Vashenko, Densaýlyq elshisi, Gınnes rekordtar kitabynyń 7 dúrkin rekordshysy, álemniń iri shól dalalaryn sharlap ótken jalǵyz adam Marat Jylanbaevtyń qatysýymen astanadaǵy Trıatlon saıabaǵynda da ótkizildi. Mundaı jattyǵýlar óńirlerdegi mektepterde de ótkiziletinin aıta ketken lázim.
