Buzaqylar buǵaýlaýsyz qalmaıdy
Seısenbi, 22 mamyr 2012 7:10
Astana qalasyn odan ári damytý máseleleri jóninde ótken keńeste Memleket basshysy Nursultan Nazarbaev elordanyń atyna zaty saı bolýy úshin ondaǵy qoǵamdyq tártip máselesi únemi nazarda turýy qajettigin, osyǵan oraı quqyq qorǵaý organdaryna usaq qylmystardyń aldyn alyp otyrýdy, bul máselege barynsha jiti qaraýdy tapsyrǵan edi. Qoǵamdyq oryndardy lastaıtyn, shylym shegip, tuqylyn kóringen jerge tastaıtyn, tipti shaınaǵan saǵyzyn kez kelgen tusqa japsyra salatyn jandardyń qaǵys qylyǵyn qalt jibermeýdi, shara qoldanýdy tapsyrdy.
Seısenbi, 22 mamyr 2012 7:10
Astana qalasyn odan ári damytý máseleleri jóninde ótken keńeste Memleket basshysy Nursultan Nazarbaev elordanyń atyna zaty saı bolýy úshin ondaǵy qoǵamdyq tártip máselesi únemi nazarda turýy qajettigin, osyǵan oraı quqyq qorǵaý organdaryna usaq qylmystardyń aldyn alyp otyrýdy, bul máselege barynsha jiti qaraýdy tapsyrǵan edi. Qoǵamdyq oryndardy lastaıtyn, shylym shegip, tuqylyn kóringen jerge tastaıtyn, tipti shaınaǵan saǵyzyn kez kelgen tusqa japsyra salatyn jandardyń qaǵys qylyǵyn qalt jibermeýdi, shara qoldanýdy tapsyrdy.
Respýblıka sottaryna qoǵamdyq oryndarda bylapyt sóıleý, adamdarǵa tıisý, turǵyn jaılardy, kópshilik paıdalaný oryndaryn lastaý, onyń ishinde kommýnaldyq qaldyqtardy tastaý, qoǵamdyq tártipti jáne jeke tulǵalardyń tynyshtyǵyn buzýmen baılanysty is-áreketter boıynsha hattamalar kóptep túsýde. Atalmysh is-áreketter Ákimshilik quqyq buzýshylyq týraly kodekstiń 330-babyna sáıkes usaq buzaqylyq dep tanylady. Bir aıdyń ishinde Astana qalasy mamandandyrylǵan aýdanaralyq ákimshilik sotymen usaq buzaqylyqqa qatysty 438 is qaraldy. Atalǵan quqyq buzýshylyq boıynsha 390 adamǵa aıyppul salynsa, 40 adam ákimshilik qamaýǵa alynǵan. Mysaly, Astana qalasynda qurylys fırmalarynyń birinde jumys isteıtin brıgadır gúl alańyna bótelke laqtyrǵany úshin ákimshilik jaýapkershilikke tartyldy.
Usaq buzaqylyq úshten onǵa deıingi aılyq eseptik kórsetkish mólsherinde aıyppul tóleýge nemese on táýlikke deıin ákimshilik qamalýǵa soqtyrady. Eger bir jyl ishinde álgi buzaqylyq qaıtalanatyn bolsa, quqyq buzýshy on bes táýlikke deıingi merzimge ákimshilik qamaýǵa alynady.
Isti qaraý barysynda álgi balalardyń qaısybiri tárbıesi nashar otbasylarynda tárbıelengendigi, mekteptegi oqý úlgerimi tómen bolǵandyǵy anyqtalǵan. Jarqaıyń aýdanyndaǵy eldi mekenderiniń birinde eki 13 jastaǵy jasóspirim urlyq jasaǵan. Olar dúken zattaryn urlap, saýda núktesiniń qojaıynyna qomaqty materıaldyq shyǵyn keltirgen. Alaıda, mundaı qylmys jasaǵandarǵa qylmystyq jaýapkershilik 14 jastan bastap qoldanylatyndyqtan, jasóspirimder jazadan qutyldy, biraq olardyń keltirgen zalalyn ata-analary ótedi.
Bul bir emes, buǵan qosa osy atalǵan bap boıynsha ákimshilik jaýapkershilikke taǵy da 1186 adam tartylǵan.
AleksandrTASBOLATOV,
«Egemen Qazaqstan».
