Qazaqstandyq bitimgershilerdiń ınspeksııalyq tekserýin Lıvanǵa keter aldyndaǵy emtıhan dep ataýǵa bolady. Olarǵa azamattyq adamdardy qorǵaý boıynsha brıfıng ótkizip, tarıh, kúshterdi ornalastyrý jáne LBUUÝK aǵymdy qaýip-qater, Lıvannyń Qarýly Kúshteri men Izraıldiń qorǵanys kúshteri, qaqtyǵystar tarıhy, mandatty qosa alǵanda mıssııaǵa qatysýdyń zańdyq aspektileri, ózara túsinistik týraly Memorandým, mıssııa men kúshterdiń mártebesi týraly kelisim, sondaı-aq BUU-nyń kúshterine qoıylǵan talaptar degen negizgi taqyryptar boıynsha synaq tapsyrý qajet.
Tájirıbede qazaqstandyq bitimgerler blok-beketterdi uıymdastyrý jumystary boıynsha qoıylǵan kirispe tapsyrmalarmen, jaýapkershilik aýmaǵyn patrýldeý, gýmanıtarlyq júkterdi súıemeldeý boıynsha jarty jyl ishindegi kýrsta shyńdaǵan daǵdylaryn kórsete otyryp, jergilikti jerdiń sulbasyn qoldaný arqyly oqý-jattyǵý ótkizedi.
О́z kezeginde, brıgadalyq general Nagendra Sıngh qazaqstandyq bitimgershilik kontıngentiniń óte jaqsy daıyndyǵy úshin alǵysyn bildirdi. Onyń sózine sáıkes qazaqstandyq bitimgershiler tek óz isiniń sheberleri ǵana emes, Lıvan Respýblıkasynda mıssııany oryndaý kezinde jeke basynyń joǵary qasıetterin kórsete biledi.
