10 raýndtyq jekpe-jekke alǵash ret shyqqanyna qaramastan qandasymyz rıngte ózin erkin sezindi. Alǵashqy eki raýnd barlaýmen ótkenimen, odan keıin Jánibek báseke tizginin myqtap qolǵa aldy. Jaqsy soqqylar jumsap, serııamen de sátti jumys istedi. Ásirese, apperkottary oıdaǵydaı ótti. Qorǵanysta da saýatty boldy. Sol jarty saǵattyq jekpe-jek barysynda Álimhanuly ózine birde-bir qatty soqqy darytqan joq. Kerisinshe, qarsylasyn únemi qyspaqqa alyp, ózi oılaǵan josparyn júzege asyrdy. Bul báseke sońyna deın sozylǵanymen tóreshiler jeńisti bir aýyzdan bizdiń jigitke berdi.
Osylaısha, kásipqoı rıngtegi óziniń altynshy kezdesýinde jeńiske jetken Jánibek Álimhanuly orta salmaqtaǵy WBA Global jáne WBC Continental Americas nusqalary boıynsha altyn belbeýdi ıelendi. Qandasymyzdyń bul tabysy aldaǵy ýaqytta budan da iri jeńisterdiń altyn bastaýy bolady dep úmittenemiz.
Jaraısyń, Jánibek! Jeńis qutty bolsyn, Qazaq eli!
