Adam taǵdyry oıynshyq pa?
Sársenbi, 6 maýsym 2012 7:04
2010 jyldyń 20 shildesi kúni túste meniń uıaly telefonyma belgisiz nómirmen bir er adam qońyraý shalyp, Astana qalasyndaǵy Almaty aýdandyq ishki ister bólimine tezirek kelip, qyzymdy alyp ketýdi buıyrdy. Eshteńege túsinbegen soń sol nómirge qaıta qońyraý shalyp edim, telefondy kótermedi. Artynsha joldasyma qońyraý shaldym, telefony sóndirýli eken. О́z-ózime kele almaı, Almaty aýdandyq ishki ister bólimine keldim. Biraq, kezekshi polısııa meni ishke kirgizbedi. Bir saǵattan asa ýaqyt ótkende bir jas jigit joǵarydan qyzymdy jetektep alyp kele jatqanyn kórdim.
Sársenbi, 6 maýsym 2012 7:04
2010 jyldyń 20 shildesi kúni túste meniń uıaly telefonyma belgisiz nómirmen bir er adam qońyraý shalyp, Astana qalasyndaǵy Almaty aýdandyq ishki ister bólimine tezirek kelip, qyzymdy alyp ketýdi buıyrdy. Eshteńege túsinbegen soń sol nómirge qaıta qońyraý shalyp edim, telefondy kótermedi. Artynsha joldasyma qońyraý shaldym, telefony sóndirýli eken. О́z-ózime kele almaı, Almaty aýdandyq ishki ister bólimine keldim. Biraq, kezekshi polısııa meni ishke kirgizbedi. Bir saǵattan asa ýaqyt ótkende bir jas jigit joǵarydan qyzymdy jetektep alyp kele jatqanyn kórdim. Qyzymnyń bet-aýyzy isip, ábden jylaǵany kórinip tur. О́z-ózine keler emes. Papań qaıda, dep surasam, ony qamap tastady dedi. Qolymnan keler shara bolmaǵan soń, qyzymdy alyp úıge qaıttym. Sol túni saǵat 12-den asqanda joldasym úıge qońyraý shaldy. О́zine D.Jarkov degen bireýdi óltirdi degen kúdikpen aıyp taǵyp otyrǵanyn jáne tańerteńnen beri qınap, qylmysty moıyndaısyń ne bolmasa basqa shara qoldanamyz dep qoqan-loqy jasap jatqany týraly aıtty. Sol mezette qońyraý úzilip ketti. Ertesine E.Ydyrysov degen kisini qorǵaýshy retinde jaldap, joldasymmen kezdestirdim. E.Ydyrysov joldasyma isti moıyndaı sal, bir-eki ret teptim dep aıta sal, keıin seni Qylmystyq kodekstiń 257-babymen shyǵaryp alamyn dedi. Soǵan senip qalǵan joldasym A.Teshebaev sol kisiniń aıtqandaryn aıtyp, isti nasyrǵa shaptyryp aldy. Joldasymnyń osylaı aıtqanyn qajet etip turǵan tergeýshi, sol sózdi qaǵyp alyp, Qylmystyq kodekstiń 103-baby 2-tarmaǵy boıynsha aıyp taǵyp jiberdi.
Shildeniń 22-si kúni tústen keıin ishki ister departamentinen qońyraý shalyp, aıtylǵan jerge kelýimdi surady. Sol jerge kelsem, meni tekserip, uıaly telefonymdy, sómkemdi alyp, úıge tintý júrgizetinin aıtty. Olar úıge kelip, tintý jumystaryn júrgizip, joldasymnyń aıaq kıimin, sporttyq kıimderin saraptamaǵa alyp ketti.
Sodan keıin, isti júrgizip jatqan Astana qalalyq ishki ister departamentiniń tergeýshisi M.О́mirbaevqa baryp, qoǵamdyq qorǵaýshy bolýym úshin qaýly shyǵarýyn ótindim. 2010 jyldyń qazan aıynda №2 Almaty aýdandyq sotynda sýdıa D.Nurmaǵambetovtiń tóraǵalyǵymen sot prosesi júrgizildi. Ol isti qaıta qaraýǵa jiberdi. Onyń sebebi, Qylmystyq kodekstiń 103-baby 3-tarmaǵy boıynsha iske qatysýshylardyń is-áreketterine baılanysty olardy da jaýapqa tartý kerek eken. Biraq, tergeýshi M.О́mirbaev qylmystyq isti esh ózgerissiz sotqa qaıta joldady. 2011 jyldyń shilde aıynda sol №2 Almaty aýdandyq sotynyń sýdıasy Esımova isti ekinshi ret qaıta tergeýge jiberdi. Degenmen, meniń joldasyma qatysty osy isti tergeýshi О́mirbaev meniń joldasymnyń konstıtýsııalyq quqyǵyna nuqsan keltire otyryp, isti orys tilinde júrgizdi. Teshebaevtyń memlekettik tilde túsinikteme berýine qarsy boldy. Sebebi, О́mirbaev qazaqsha bilmeıtindigin alǵa tartyp, isti orys tilinde júrgizetinin aıtty.
Sóıtip, joldasyma qatysty is Astana qalasynyń arnaıy mamandandyrylǵan qylmystyq ister qaraıtyn sotyna jiberilip, ony sýdıa Ermekov júrgizdi. Sotta M.Bırmahanov, A.Te, A.Goncharenko, S.Pavlenko sııaqty kýágerler óz sózderin aıtty. Onyń ishinde A.Goncharenko Rysbekke qarsy eshqandaı kiná qoıa almady. Al qalǵandary kórmegen nárselerin aıtyp, ótirik kýá boldy. Sonyń ishinde Danııar Kúlenbaev meniń joldasym Rysbektiń D.Jarkovtyń ólimine qatysy joq ekendigin, ony tergeýshi О́mirbaev qorqytqany týraly aıtyp berdi. Sonyń kesirinen jalǵan kýá bolǵandar, árkim óz jaǵdaıyn oılap, kinásiz adamǵa jala jaýyp otyr. Kýáger D.Kúlembaev kinásiz adamǵa 14 jyl kesilgenine, óziniń bergen jalǵan aıǵaqtaryna ókinip, qazirgi ýaqytta tıisti organdarǵa aryzdar jazýda. Degenmen, sotta onyń aıtqandary qaperge de alynbady. Sonda, sot-tergeý organdary úshin adam taǵdyrynyń oıynshyq bolǵany ma?
Aıgúl BASYǴARAEVA,
qoǵamdyq qorǵaýshy.
